Asklepios

Asklepios, makilarekin eta sugearekin, bere ezaugarrietako bi

Asklepios, greziarren artean, medikuntzaren jainkoa zen. Apolo eta Koronis ninfaren semea, Erroman Eskulapio izenez ezaguna. Elezaharraren arabera, Kiron zentauroak erakutsi zion medikuntzaren artea. Asklepiosek eriak sendatu ez ezik, hildakoak pizten zituen. Izadiaren ordena hein horretan iraulia ikusirik, tximistaz jo zuen Zeusek. Epidauron ohoratu zuten batez ere Asklepios. Bere ezaugarriak: sugea, oilarra, makila eta kopa.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.