Assurbanipal

Assurbanipal ehizan agertzen deneko erliebea (British Museum, Londres)

Assurbanipal (K. a. 669-k. a. 631?) Asiriako erregea. Asarhaddonen semea, Tiroriak hartu zituen. Elamen eta mediarren aurka, eta Babiloniako errege zen Shamash-shum-ukin anaiaren aurka ere ibili zen borrokan, eta, hiriari su eman ondoren, azken hori bere burua hiltzera eraman zuen (K.a. 648). Elam herria menderatu zuen Susa hirian egindako lapurretan (K.a. 640). Berak zuzenean parte hartu gabeko garaipenak izan ziren horiek, gero Niniven ospatuak, gogo biziagoa erakutsi baitzuen ehizarako eta, batez ere, Niniven osatu zuen liburutegirako (zibilizazio sumeriar-arkadiarreko eta babiloniarreko lan nagusiak gordetzen dituzten buztinezko 22.000 adreilu, gaur egun Londresko British Museumen daudenak).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.