Athletic Club (emakumezkoen taldea)

Athletic Club

Ezizena(k)	"Lehoiemeak"
Sorrera	2002
Futbol zelaia	Lezamako instalazioak (Edukiera: 2.500)
Presidentea	Josu Urrutia
Entrenatzailea	Juan Luis Fuentes
Liga	Superliga
2011-12	2.a
Webgunea	www.athletic-club.net
Etxeko koloreak 　 Kanpoko koloreak

Athletic Club Bilboko emakumezko futbol taldea da. 2002an sortua, betidanik jokatu du Espainiako Emakumezkoen Futbol Superligan, lau titulu lortuz.

Sorrera

1970 eta 1980ko hamarkadatan Bizkaiko emakumezkoen futbola taldeak sortzen hasi zen.

2000. urtean, Leioa EFT sortu zen Sondika KE taldean egondako jokalariekin. Leioa EFT mailak igoz joan zen Superligara iritsi arte. 2002an Athletic Clubeko presidentea zen Javier Uriak ituna sinatu zuen orduko Leioa EFT Athletic Clubeko emakumezko taldea izateko.

Historia

Taldeak laugarren Superliga ospatzen San Mamesen.

Taldeak 2001-2002 denboraldian Superligara igotzea lortu zuen. 2002-2003 denboraldian Athletic Superligako talde euskaldun bakarra izan zen, baina bere estreinaldia ohorezko mailan ezin hobea izan zen, txapeldun izatea lortu zuen eta. Apirilaren 27an lortu zuen txapelketa, Sevillako Hispalis gaindituz San Mames bete batean. “Lehoi emeek” hurrengo bi denboraldietan ere titulua lortu zuten, 2004-2005 denboraldian partida bat ere galdu barik. Denboraldi hartako titulua jokalariek Bilboko kaleetan zehar ospatu zuten, milaka eta milaka zaleen artean.

2005-2006 denboraldia hasi baino lehen, Iñigo Juaristik (hiru tituluak lortu zituen entrenatzailea) eta zenbait jokalarik taldea utzi zuten zuzendaritzarekiko desadostasunak zirela eta. Ondorioz Athleticek ezin izan zuen aurreko denboraldietako arrakasta errepikatu. 2006-2007 denboraldian Juaristi itzuli zen taldera eta titulua berreskuratu zuten "Lehoi emeek".

Hurrengo denboraldietan, Athletic Levante UD eta Rayo Vallecanoren menpean egon da. 2010-11 Ligaren bukaeran hirugarrena sailkatu zen.

Superliga irabazteak Europako Txapeldunen Liga jokatzeko aukera eman zion taldeari, bigarren faseraino heltzea arrakasta handiena izanez. Emakumezkoen Futbol Erreginaren Kopa ere jokatu du, baina lorpen aipagarri barik.

Harrobia bultzatzeko B taldea ere sortu du, Euskal Ligan ari dena.

2008/09 denboraldiko jokalariak

Zenbakia	Izena	Nazionalitatea
Atezainak
1	Ainhoa Tirapu	Euskal Herria
13	Andere Legina	Euskal Herria
22	Iragarne Piñero	Euskal Herria
Atzelariak
3	Vanessa Rodríguez	Euskal Herria
5	Marta Moreno	Euskal Herria
8	Aitziber Juaristi	Euskal Herria
18	Zuriñe Gil	Euskal Herria
23	Eider Hidalgo	Euskal Herria
26	Garazi Unibaso	Euskal Herria
Erdilariak
4	Itsaso Nabaskues	Euskal Herria
10	Iraia Iturregi	Euskal Herria
11	Arrate Orueta	Euskal Herria
15	Joana Flaviano	Euskal Herria
16	Amaia Olabarrieta	Euskal Herria
25	Amaia Lanbarri	Euskal Herria
28	Paula Mateo	Euskal Herria
29	Sandra García	Euskal Herria
Aurrelariak
7	Nekane Díez	Euskal Herria
9	Irune Murua	Euskal Herria
14	Elaia Gangoiti	Euskal Herria
17	Elixabet Ibarra	Euskal Herria
19	Erika Vázquez	Euskal Herria
20	Eba Ferreira	Euskal Herria
24	Nerea Pérez	Euskal Herria

Datuak

• Denboraldiak Superligan: 10 (guztiak)
• Superligako emaitzarik onena (etxean): Athletic 11 - Pozuelo 0 (2008/2009)
• Superligako emaitzarik onena (kanpoan): Colegio Alemán 2 - Athletic 8 (2008/2009)
• Superligako emaitzarik txarrena: Athletic 1 - Espanyol 4 (2005/2006)
• Ligako posturik onena: 1.a
• Ligako posturik txarrena: 5.a

Palmaresa

• Superliga (4): 2002-03, 2003-04, 2004-05 eta 2006-07.

Ikus, gainera

• Athletic Club
• Espainiako Emakumezkoen Futbol Superliga

Kanpo loturak

• Athletic Clubeko webgunearen emakumezkoen taldea