Bernard Lavilliers
Bernard Lavilliers, jaiotza-izenaz Bernard Oulion (Saint-Étienne, Frantzia, 1946 -), frantses musikagilea da.
[aldatu] Biografia
Parisko kabaretetan hasi aurretik, hainbat lanbidetan aritu zen. Kabaretetan, berak sortutako abestiak edo beste egile batzuenak, hala nola Léo Ferrérenak, kantatzen zituen. Baina Brasilen egon ondoren, erabat aldatu zuen estiloa, han reggaea eta salsa aurkitu baitzituen.
Eragin handia izan zuten bere abestietan langile-giroan jaio izanak batetik, eta, bestetik, 1968ko maiatzeko gertaerek. Hori dela eta, bere testuek eduki politiko handia dute (Les Barbares, Bats-toi). 1980ko hamarraldiaren ondoren, Lavilliers bere garaiko lekuko arduratsu eta desengainatu gisa azaldu zen. Bere zalantzak azaldu zituen, eta, aldi berean, ezkerreko militanteen parte batek eragindako desengainua erakutsi zuen garai horretan.
[aldatu] Kanpo loturak
- (Frantsesez) Bernard Lavilliersen webgune ofiziala
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
