Camorra

1906ko camorristi.

Camorra XIX. mendearen hasieran Napolin sortu eta berehala Italia guztira hedatu zen gaizkile-elkarte sekretua da. Jokoa, kontrabandoa eta prostituzioa kontrolatzen ditu.

Historia

Fernando II.a Borboikoaren garaian polizia sekretu gisa jardun zuen, liberalen aurka. XIX. mende bukaeratik aurrera Italiako estatuak deuseztatu egin zuen ia Napoliko Camorra. 1920. urte inguruan talde hartako kide batzuk Estatu Batuetara aldatu ziren, eta han, Siziliako mafiarentzat jardun zuten lanean. 1970. urtetik aurrera, Napoliko Camorra berebiziko indarraz azaldu zen berriro. 1980. urteko lurrikararen ondoren, Camorrak beretzat hartu zituen kaltetuen aldeko laguntzarako gai asko eta asko, gero ezkutuan saltzeko. Poliziaren ustekabeko eraso handi batean Camorrako ehunka partaide preso hartu zituzten 1983an, eta erakundea oso ahul geratu zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.