Cetonia aurata
| Cetonia aurata | |
|---|---|
 | |
| Sailkapen zientifikoa | |
| Erreinua | Animalia |
| Filuma | Arthropoda |
| Klasea | Insecta |
| Ordena | Coleoptera |
| Familia | Scarabaeidae |
| Leinua | Cetoniini |
| Generoa | Cetonia |
| Espeziea | Cetonia aurata Linnaeus, 1758 |
Cetonia aurata Scarabaeidae familiako kakalardoa da. Europa erdialdean eta hegoaldean bizi da, baita Euskal Herrian ere[1].
Deskribapena[aldatu | aldatu iturburu kodea]
Tamaina ertaineko kakalardoa da, 15-20 mm artean neurtzen dituena. Erraz identifikatzen da kolore berde iluna baitu, distira metaliko urdinxka duena. Batzuetan kobre kolorekoa edo urdin-more iluna ere izan daiteke. Gorputz nahiko zapala du eta elitroen amaiera zuzena da. Elitro bien artean "V" itxurako eskuteloa du. Gorputzarekin alderatuta burua txikia da eta bi antena nabarmenen muturrean orrazien antzeko egitura du. Animaliaren azpialdea kobre kolorezkoa da eta oso iletsua da[2].
Beldarrek gorputz zimurra eta iletsua dute, "C" itxurakoa. Hiru hanka pare txiki dituzte eta burua kertinizaturik dute[2].
Hegaldi azkarra eta zaratasua du[2].
Banaketa eta habitata[aldatu | aldatu iturburu kodea]
Europa erdialdean eta hegoaldean aurkitzen da, Britainia Handiaren hegoalderaino[3]. Ingelesez rose chafer esaten zaie, izan ere landare apaingarriak dauden lorategietan, bereziki arrosak daudenetan, izurritea izatera iristen direlako.
Bizi zikloa eta elikadura[aldatu | aldatu iturburu kodea]
Orokorrean udaberrian agertzen dira helduak eta usteltzen ari den materia organikoan jartzen ditu emeak arrautzak, konpostean, simaurrean edo egur usteletan. Arrautzak ipini ondoren hil egiten da.
Beldarrak inguruko materia horretaz elikatzen dira eta azkar hazten dira eta udazkenerako bi muda jasaten dituzte. Bi urteko zikloa osatzen dute. Hurrengo ekaina eta uztaila artean pupa eratzen dute.
Helduak landareetako nektarraz, polenaz, loreetaz, kimuetaz, hostioetaz eta fruituetaz elikatzen dira.
Iruditegia[aldatu | aldatu iturburu kodea]
-
Heldua hegalak irekita. -
Brontze koloreko kakalardoa. -
Beldarra. -
Pupa.
Erreferentziak[aldatu | aldatu iturburu kodea]
- ↑ «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
- ↑ a b c (Gaztelaniaz) Valderrey, Juan Luis Menéndez. «Cetonia aurata (Linnaeus, 1758)» Naturaleza y turismo (Noiz kontsultatua: 2023-10-14).
- ↑ (Gaztelaniaz) Valderrey, Juan Luis Menéndez. «Cetonia aurata (Linnaeus, 1758)» Naturaleza y turismo (Noiz kontsultatua: 2023-10-14).
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q731970
Multimedia: Cetonia aurata / Q731970
Espezieak: Cetonia aurata