Coop57

Coop57
Datuak
Mota	kooperatiba
Herrialdea	Espainia
Jarduera
Kidetza	European Federation of Ethical and Alternative Banks (en) eta Olatukoop
Agintea
Egoitza nagusi	Bartzelona; 41°22′35″N 2°08′20″E / 41.3764743°N 2.138976°E;
Legezko forma	kooperatiba
Historia
Sorrera	1995
	webgune ofiziala;

Coop57 SCCL edo Coop57, finantza-zerbitzuen kooperatiba bat da, bazkide diren erakunde eta kooperatibei mailegu-eragiketak egiteko erabiltzen dena. Eragiketa horiek banku etiko^[1]^[2] edo ekonomia sozial izenekoan sartzen dira.

Kooperatiba Bartzelonan sortu zen 1995ean, eta gaur egun hainbat lekutan dago: Aragoi (2005etik), Madril (2006tik), Galizia (2007tik), Andaluzia (2008tik), Asturias eta Euskal Herria (2015etik). 2020. urteko abenduaren 31an, Bartzelonako Premià kaleko 15ean zuen egoitza, 1001 zerbitzu bazkide zituen, eta 4686 bazkide laguntzaile. Urtero Batzar Orokorra egiten da eta bertan elkartekideentzat interesgarriak diren gaiak erabakitzen dira.

Coop57ren finantza-funtsak bere bazkideetatik datoz, eta beren izaeragatik honela sailka daitezke:

Pertsona juridikoak: gizarte ekonomiako entitate, fundazio, elkarte, eta kooperatibak.
Pertsona fisikoak.

Bildutako dirua pertsona juridikoei mailegu mota desberdinak egiteko erabiltzen da. Kreditu-kooperatibek ez bezala, pertsona fisikoek ezin dituzte maileguak jaso, eta beren aurrezkiak bakarrik utz ditzakete.

Antolaketa molde banatua[aldatu | aldatu iturburu kodea]

Coop57k antolaketa modu banatua du, eta horren arabera lurralde ezberdinetan antolatzen da, lurralde sekzio deiturikoetan. Zazpi lurralde sekzio ditu kooperatibak eta horietako bat Euskal herrikoa da, Koop57 Euskal Herria izenekoa.

Lurralde antolaketaz gain, Coop57 Fundazioa sortu zuten 2014ean, jendartean eta ekonomia sozial eraldatzailearen sareetan sortutako behar berriei erantzuteko.^[3]