Dioklezianoren Termak

Wikipedia(e)tik
Hona jo: nabigazioa, Bilatu
Santa Maria degli Angeli e dei Martiri Basilika, termen tepidariumean eraikia
San Bernardo alle Terme eliza, termen bi sala zirkularretako batean eraikia izan zen.

Dioklezianoren Termak (latinez Thermae Diocletiani), Antzinako Erromako terma handienak izan ziren, 3.000 pertsona baino gehiagorentzako tokia zutelarik.

Historia[aldatu | aldatu iturburu kodea]

298. urtean, bainuetxe handi baterako lanen enkargua ematen da, Diokleziano enperadoreak sustatuak. Termak, 305ean datatuak daude, eta zenbait enperadoreren agintaldietan osatuak izan ziren. Dioklezianoren Termak, erabiltzen jarraitu ziren, godoek, terma hauek urez hornitzen zituzten akueduktuen ur isuria eten zuten arte, 537an.

Diokleziano, termen eraikuntzan lan behartuetara zigortutako milaka kristauren heriotzagatik salatua izan zen. Lanak amaitu zirenean, 305ean, enperadore izateari utzi zion. 1561ean, Pio IV.a aita santuak, Michelangelori, martiri guzti horien omenezko eliza bat eraikitzea agindu zion, termak aurkitzen ziren tokian bertan: Santa Maria degli Angeli e dei Martiri.

2008ko azaroan, termetako X. gela, berriz publikoari irekita geratu zen, 30 urtez zaharberritze lanak egin ondoren.

Ezaugarriak[aldatu | aldatu iturburu kodea]

Terma hauen egitura, Karakalaren Termen antzerakoa zen, mende bat lehenago eraikiak, eta ia edukiera erdiarekin. Adreiluz eraiki ziren, barnealdean haitzurdinez estalia, eta iztukuz kanpoaldean, zoladurako mosaikoen aberastasuna nabarmendu behar delarik. Termen zati handi bat, hauen zenbait gune, eliza eta beste eraikuntza batzuetarako oinarri gisa erabili izanari esker mantendu dira: termen multzoan, gaur egun, Basilica de Santa Maria degli Angeli e dei Martiri (tepidariumean), Iglesia de San Bernardo alle Terme (bi gela zirkularretako batean), eta Erromako Museo Nazionalaren zati bat, baina multzoak hartzen zuen 13 hektarea karratuko eremu gehiena desagertu egin da.

Termak, hegomendebalderantz begira zeuden, eguzki energiak caldariuma bero zezan frigidariumari eragin gabe. Hartzen zuten eremu handia zela eta, inguruko kaleetan, termen hondakinak ikus daitezke.

Beste terma ospetsu batzuk[aldatu | aldatu iturburu kodea]

Kanpo loturak[aldatu | aldatu iturburu kodea]

Koordenatuak: 41°54′11″N 12°29′53″E / 41.903°N 12.498°E / 41.903; 12.498

Commons-logo.svg
Commonsen fitxategi gehiago dago honi buruz:
Dioklezianoren Termak