Dolarraren trilogia
Wikipedia(e)tik
Trilogia del dollaro, edo Trilogia dell'Uomo senza nome, italieraz, Sergio Leonek zuzendutako lehen hiru spaghetti westernak dira, protagonista Clint Eastwood aktore gaztea duela, Ennio Morriconeren musikagilearen musika esanguratsuan oinarrituta.
[aldatu] Hiru filmak
- Per un pugno di dollari (1964)
- Per qualche dollaro in più (1965)
- Il buono, il brutto, il cattivo (1966)
Hiru filmak spaghetti western zinema generoaren ereduak dira eta genero hau garatzeko ezaugarririk nabarmenenak dituenak, 1960 eta 1970 bitartean sortuak:
- Per un pugno di dollari (italieraz) edo A Fistful of Dollars (ingelesez) 1964an filmatutako spaghetti western bat da, Clint Eastwood ospetsu bihurtu zuen lehena eta genero honetako hoberenetakotzat hartzen dena. Sergio Leoneren Dolarraren trilogia hiru filmeko taldea osatzen duten lehena da. Gaztelaniaz Por un puñado de dólares eta frantsesez Pour une poignée de dollars izena eman zioten.
- Per qualche dollaro in più (italieraz) edo For a Few Dollars More (ingelesez) Espainia eta Italia artean 1965ean filmatutako spaghetti western generoko film bat da. Sergio Leone zinema zuzendari italiarrak zuzendu zuen. Protagonista nagusiak, Clint Eastwood, Lee van Cleef eta Gian Maria Volonté izan ziren. Musika, Ennio Morriconerena da. Film hau, Dolarraren trilogia deritzonaren bigarren filma da, 1964ko Per un pugno di dollari filmaren ondoren. Gaztelaniaz La muerte tenía un precio eta frantsesez Et pour quelques dollars de plus izena du.
- Il buono, il brutto, il cattivo (italieraz) edo The Good, The Bad and The Ugly (ingelesez) 1966an Sergio Leone zinema zuzendari italiarrak zuzendu zuen spaghetti western bat da, zinema historiaren filmerik ezagunetarikoa da, spaghetti westernaren quintessenza. Dolarraren trilogia deritzonaren hirugarren filma da. Dolarraren trilogian bi pertsonaitik hirura pasatzen dira. Clint Eastwoodek Lee van Cleefi Per qualche dollaro in più-an bezala, Eastwoodek eta Van Cleefek Eli Wallachi ematen diote protagonismoa Il buono, il brutto, il cattivo-an.
[aldatu] Beste interpreteak
Mario Brega, trilogiako hiru filmetan parte hartzen du, pertsonaia ezberdin bat jokatuz, bere patua beti hiltzen dena.
Bi aldiz agertzen diren beste aktoreak hauxek dira:
Lorenzo Robledo, Indioa jokatuz.
