Eduardo Torres-Dulce

Eduardo Torres-Dulce
	; Irudi gehiago
; Estatuko Fiskal Nagusia	; 2011ko abenduaren 30a - 2014ko abenduaren 18a ; ← Cándido Conde-Pumpido (en) - Consuelo Madrigal →
; Estatuko Fiskal Nagusia
Bizitza
Jaiotza	Madril, 1950eko maiatzaren 14a (73 urte)
Herrialdea	Espainia
Hezkuntza
Heziketa	Madrilgo Complutense Unibertsitatea
Hizkuntzak	gaztelania
Jarduerak
Jarduerak	fiskala, zinema-kritikaria eta gidoilaria
Jasotako sariak	ikusi San Raimundo Penyafortekoaren Ordenaren Gurutze Handia (2015) ;

Eduardo Torres-Dulce Lifante (Madril, Espainia, 1950eko maiatzaren 14a -) espainiar fiskala, irakaslea eta zine kritikoa da.

Biografia[aldatu | aldatu iturburu kodea]

Zuzenbidean lizentziatu zen Sevillan, Guadalajaran eta Madrilen aritu zen fiskal moduan. Eduardo Torres-Dulce y Ruiz Auzitegi Goreneko fiskala izan zenaren semea da^[1].

Irakasle moduan ere aritu zen Madrilgo Unibertsitate Autonomoan eta Salamancakoan. Madrilgo Erkidegoko Zinema eta Ikus-entzuneko Eskolarekin elkarlanean ere egon zen, zinema mutuari buruzko seminarioetan parte hartzen^[1].

Zinema-kritikari lanetan, 'Cowboys de medianoche' irratsaioko kolaboratzaile moduan aritu zen eta zinemaren inguruko hainbat liburu idatzi zituen. Nuestro Tiempo, Nueva Lente, Contracampo, Expansión, El Semanal, Telva eta La Clave aldizkarietan ere idatzi du^[1].

Nickel Odeon aldizkariko Erredakzio Kontseiluko kide izateaz gain, TVEko ¡Qué grande es el cine! saioan aritu zen. Saioan Holmes, Madrid Suite 1890 filma estreinatu zuen. Gidoia berak egin zuen, Jose Luis Garcirekin batera.

1985etik 1999ra Auzitegi Konstituzionaleko fiskala izan zen. Bestalde, 1996tik 2000ra Fiskaltzako idazkaritza teknikoko burua izan zen. Urte berean, hau da, 2000an Fiskaltzaren Kontseiluko kide izendatu zuten eta geroztik Goreneko fiskala izan zen 2011ra arte^[2].

2011ean, Espainiako fiskal nagusi bihurtu zen eta Kataluniaren etorkizun politikoari buruzko galdeketarengatik desadostasunak izan zituen Espainiako Gobernuarekin. Ondorioz, 2014ko abenduaren 18an, dimisioa eman zuen^[2]. Tirabirak izan zituen PPrekin, tartean, Parot doktrina baliogabetzea defendatzeagatik^[3].

Abenduaren 19an, Fiskal nagusi ohiak ez zuela Gobernuaren presiorik izana adierazi zuen PPko bozeramaileak. "Dimititzeko arrazoi bakarrak pertsonalak izan dira". 'Torresek aurrekoek baino independentzia handiagoa izan du' gaineratu zuen^[4].

Erreferentziak[aldatu | aldatu iturburu kodea]

↑ ^a ^b ^c I.G., «Eduardo Torres-Dulce, zinemagintzan trebatutako fiskal nagusia», EiTB, 2014-12-18
↑ ^a ^b «Espainiako fiskal nagusi kargutik dimisioa eman du Eduardo Torres-Dulcek», Berria, 2014-12-18
↑ Edurne Begiristain, «Talka egiten dutelako joan da», Berria, 2014-12-19
↑ «Hernando: 'Torresek aurrekoek baino independentzia handiagoa izan du'», EiTB, 2014-12-19

Datuak: Q5819771
Multimedia: Eduardo Torres-Dulce / Q5819771

[bb-1] I.G., «Eduardo Torres-Dulce, zinemagintzan trebatutako fiskal nagusia», EiTB, 2014-12-18

[aa-2] «Espainiako fiskal nagusi kargutik dimisioa eman du Eduardo Torres-Dulcek», Berria, 2014-12-18

[3] Edurne Begiristain, «Talka egiten dutelako joan da», Berria, 2014-12-19

[4] «Hernando: 'Torresek aurrekoek baino independentzia handiagoa izan du'», EiTB, 2014-12-19

[1]

[2]

[3]

[4]