Elmore Leonard
Elmore Leonard (New Orleans, Louisiana, Ameriketako Estatu Batuak, 1925) ingelesezko idazlea da.
Bizitza[aldatu]
Bigarren Mundu Gerran soldadutza itsas armadan egin ondoren, Detroiteko Unibertsitatean doktoregoa egin, eta publizitate-agentzia batean hasi zen lanean. Lehen fikzio-lanak aldizkari arruntetan argitaratu zituen. 1953an plazaratu zuen lehen eleberria, The Bounty Hunters. 1961ean, Hombre bosgarren eleberria argitaratu ostean, publizitatea utzi, eta fikzio-lanak idazten jardun ahal izan zuen, eleberri horretan oinarrituriko Hombre filmak (1967) izandako arrakastari esker. Lehenik, hiriko krimenei buruzko eleberrietara 1970eko hamarkadan aldatu aurretik, filmetarako istorioak idatzi zituen: Joe Kidd (1972) eta Mr. Majestyk (1974), besteak beste.
1983an idatzitako Stick eta LaBrava idazlanekin arreta gehiago erakarri bazuen ere, Glitz (1985) eleberriak eman zion onarpen zabalena. Bandits (1987), Get Shorty (1990), Maximum Bob (1991) eta ondorengo beste eleberriek arrakasta handia izan zuten, eta best-sellerrak izan ziren Estatu Batuetan. Eleberri horietako batzuekin, LaBrava eta Maximum Bobekin, esaterako, hainbat sari bereganatu ditu AEBn. Beste zenbait lan: Riding the Rap (1995), Cuba Libre (1998), Tishomingo Blues (2002), Mr. Paradise (2004), Up in Honey's Room (2007) eta Road Dogs (2009).
Kanpo loturak[aldatu]
- (Ingelesez) Elmore Leonarden web-orria
Erreferentziak[aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
