Elosua

Artikulu hau Bergarako auzoari buruzkoa da; Arabako Legutioko herria gaitzat duena beste hau da: Elosua-Ollerieta

Elosua
Gipuzkoa
Herria	Bergara
Elosua Elosua Elosua
Koordenatuak:	43°8′22″N 2°21′38″W
Garaiera	539 m

Elosua Bergarako (Gipuzkoa) ipar-ekialdean dagoen auzoa da, Azkoitirako bidean. 50 bat baserrik osatzen dute auzunea.

Elosua izenaren -a amaiera artikulua da, eta hortaz, Elosua eta Elosuan bai, baina Elosura eta Elosuko behar du deklinatzeko orduan hala nola Bizkaia/Bizkaiko edo Azkoitia/Azkoitiko.

Demografia eta biztanleria

Elosuako biztanleria

2000	2001	2002	2003	2004	2005	2006	2007
24	24	20	19	17	16	17	17

Ondasun nabarmenak

• Baserriak: Iriaun edo Ixaun eta Gomezkorta edo Gomozkorta baserriak ikusgarriak dira.

• XII. mendeko gaztelu baten aztarnak.

• San Martin eliza: XV. mendean hasitakoa.

Elizaren ondoko abadetxe zaharra aterpetxea da gaur egunean, eta gaua har liteke bertako gela kolektiboetan.

Kultura

Jaiak eta ospakizunak

Maiatz inguruan (Garizumaren arabera) Igokunde eguna ospatzen da, eta erromeria egin ohi da.

Udaberrian halaber, Bergarako Pazkoetatik 15 egunera Otaba jaiak ospatzen dira. Hiru eguneko jaia egin ohi da asteburu batean.

Urriaren 12an, Pilareko Andre Mariaren egunean, Ganadu azoka egiten da, eta auzoan jende gehien biltzen duen ospakizuna izan ohi da,

Abenduaren 24an Gabon eskean irteten dira auzotarrak.

Kanpo loturak

• (Euskaraz) Elosua Bergarako udal webgunean
• (Euskaraz) Auzoko etxe guztien izenak eta kokapenak