Etxe Zuria

Wikipedia(e)tik
Hona jo: nabigazioa, Bilatu
Etxe Zuria
WhiteHouseSouthFacade.JPG
Etxe Zuria hegoaldetik ikusita.
Udalerria Washington
Herrialdea  Ameriketako Estatu Batuak
Koordenatuak 38°53′51″N 77°2′12″W / 38.89750°N 77.03667°W / 38.89750; -77.03667Koordenatuak: 38°53′51″N 77°2′12″W / 38.89750°N 77.03667°W / 38.89750; -77.03667
Garaia 1792ko urriaren 13an eraikia
Helbidea Pennsylvania Hiribidea 1600. zbk.
Washington Hiria, 20500
Etxe Zuria non dagoen adierazten duen Washington-ko/-go/-eko mapa
Etxe Zuria
www.whitehouse.gov

Etxe Zuria[1] (ingelesez: White House) Estatu Batuetako Presidentearen bizilekua eta egoitza nagusia da. Washington, DCn kokatua dago, Pennsylvania Hiribideko 1600. zenbakian. Presidentearen etxea bertan dagoenez askotan Etxe Zuria erabiltzen da Estatu Batuetako politika baten inguruan hitz egiteko, metonimia moduan.

Eraikina estilo errenazentista neogreziar edo neoamerikarrean eraikia izan zen. George Washingtonek pentsatua, eraikina James Hoban arkitekto irlandarrak diseinatu zuen 1790ean. Etxe Zuriaren kokalekua, Pierre Charles L'Enfantek aukeratu zuen; alegia, Washington hiriaren planifikazioa egin zuen arkitektoak.

Historia[aldatu | aldatu iturburu kodea]

1941eko abenduaren 7an hegazkin japoniarrek Pearl Harborri eraso zioten eta estatubatuarrak etsaiak alde guztietan ikusten hasi ziren. Luftwaffek Londres bonbardatu izanak paranoia areagotu besterik ez zuen egin. Hartara, Eguberrien atarian, AEBetako goi kargu militar batek erasoez babesteko protokolo sorta diseinatu zuen[2].

Bonbardaketak gauez izan ohi ziren, eta horregatik Gabonetako argiak murriztu zituzten, eraikin publiko nabarmenetan batik bat. Etxebizitza partikularretan zuhaitza etxe barruan jartzeko gomendatu zuten. Gainera, eraikin nagusietako kupulak, teilatuak eta terrazak beltzez margotzen hasi ziren, gaueko iluntasunean kamuflatzeko. Etxe Zurian gortina beltzak eta leiho blindatuak jarri zituzten eta fatxada beltzez margotzeko asmoa ere bazuten, Franklin Delano Roosevelt presidenteak ezezko borobila eman zuen arte. Baina Laffayette plazako ohiko zuhaitza ez jartzea onartu zuen eta horren ordez aurrerantzean ere Zuria izango zen Etxearen hegoaldeko lorategian ipini zuten[2].

Eraikinaren egitura[aldatu | aldatu iturburu kodea]

Etxe Zuriak lurpeko hainbat solairu dauzka, kanpotik ikusten denaz gain. Horrela, Etxe Zuriak honakoak dauzka:

  • 6 solairu eta 5,100 m².
  • 132 gela eta 35 bainugela eraikineko goiko bi solairuetan
  • 412 ate
  • 147 leiho
  • 28 tximinia
  • 8 Eskailera-maila
  • 3 igogailu
  • 5 Sukaldari
  • 5,000 bisitari egunero
  • 1,825,000 bisitari urtero

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Etxe Zuria Aldatu lotura Wikidatan