Helmand ibaia
|
||||||
|---|---|---|---|---|---|---|
|
||||||
| Kokapena | Afganistan | |||||
| Luzera | 1.150 km | |||||
| Arroa | 192.718 km² | |||||
| Emaria | 183 m³/s | |||||
| Iturburua | Hindu Kush | |||||
| Ibai ahoa | Sistango sakonune endorreikoa | |||||
 |
||||||
Helmand ibaia (Helmund, Himand eta Hirmand ere deitua, persieraz: هیرمند, latinez: Erymandrus) Afganistango ibairik luzeena da.150 kilometroko luzera du eta 192.718 km²-ko arroa.
Helmand ibaia Hindu Kusheko Koh-e-Paghman mendietan sortzen da, Afganistango Wardak probintzian, Kabuldik 80 km mendebaldera. Goi ibilbideean Koh-i-Baba mendietatik datozen errekak hartzen ditu. Aurrerago eskualde menditsu eta elkorrak igarotzen ditu hegomendebaldeko norabidean. Lachkar Gah herritik hurbil ibaiadar handiena, Arghandab ibaia, elkartzen zaio. Beheko aldean Dasht-e-Margoh eta Rigestango basamortuak bereizten ditu. Azkenik Sistango sakonune endorreikoan isurtzen da, Afganistan eta Iranen arteko mugan, Hamun-e Helmand aintzira sortuz.
1952an, Helmand probintzian, Kajakaiko presa eraiki zen. Urtegiak 107 km²-ko azalera du, eta ura ureztatzeko eta argindarra produzitzeko erabiltzen da.
