Jacques Ferron
Jacques Ferron (Louiseville, Mauricie, Quebec, 1921eko urtarrilaren 20a - Saint-Lambert, Quebec, 1985eko apirilaren 22a) kanadar eleberrigile eta antzerkigilea izan zen.
Biografia [aldatu]
Medikuntza ikasi zuen Lavaleko Unibertsitatean. Kanadako frankofonoen independentzia-gogoaren alde agertu zen, eta bere lanetan herrialde horren alderdi negatiboak nabarmendu zituen.
Gouverneur Général saria jaso zuen Contes du pays incertain (1962) lanagatik. Beste lan hauek ere idatzi zituen: La barbe de François Hertel (1951), Cotnoir (1962), La nuit (1965), La charrette (1968), Le ciel de Québec (1969), Le salut de l'Irlande (1970) eta Les confitures de coings (1972). Antzerki lanen artean hauek ditu aipagarrienak: Le licou (1947), Le dodu, ou Le prix du bonheur (1956), Le cheval de Don Juan (1957), Tante Élise, ou Le prix de l´amour (1958), Cazou, ou Le prix de la virginité (1963).
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
