Jacques Villon

Wikipedia(e)tik
Hona jo: nabigazioa, Bilatu
Ah dame!, Jacques Villonen 1904ko marrazkia.

Jacques Villon (Damville, Eure, Frantzia, 1875 - Puteaux, 1963) frantses pintorea izan zen.

Biografia[aldatu | aldatu iturburu kodea]

Suzanne Duchamp, Raymond Duchamp-Villon eta Marcel Duchamp artisten anaia zen. Zuzenbideko ikasketak egiteko prestatu zen, baina 1894an Parisa joan, eta pinturako ikasketak egin zituen.

Aldizkarietarako marrazkiak egin zituen 1894-1906 bitartean eta 1906an bere koadroak egiten hasi zen.

Haren lanetan kubismoaren eragina antzematen da; ordena geometrikoaren arabera konbinatu eta margotutako planoetan oinarrituak dira bere koadroak, kolore bizikoak gehienak.

Bigarren Mundu Gerraz geroztik erretratuak eta paisaiak irudikatu zituen, batez ere, eta aurrekoak baino lan errealistagoak egin zituen. Villonen lanak oso aintzat hartuak izan ziren, kubismoaren formaren analisia eta inpresionisten koloreen erabilera uztartu zituelako; bere garaiko frantses pintoreen belaunaldian eragin handia izan zuen. Koadroez gainera, grabatuak eta margolari modernoen lanen kalkografiak egin zituen, eta erakusketak antolatu zituen.

Zenbait sari irabazi zituen, 1956ko Veneziako biurtekoa, besteak beste.

Commonsen badira fitxategi gehiago, gai hau dutenak: Jacques Villon Aldatu lotura Wikidatan


Erreferentziak[aldatu | aldatu iturburu kodea]