James Clark Ross

James Clark Ross.

James Clark Ross (Londres, Ingalaterra, 1800eko apirilaren 15a - Aylesbury, Buckinghamshire, Ingalaterra, 1862ko apirilaren 3a) britainiar itsasgizona eta esploratzailea izan zen.

Biografia

Artikoan zehar bidaietan ibili ondoren, iparburu magnetikoa aurkitu zuen bere osaba John Rossekin batean (1831). Antartikorako espedizioa antolatu zuen hegoaldeko buru magnetikoa aurkitzeko eta, Erebus eta Terror ontzietako buru zela, Ross itsasoa, Rosseko izotz-hesia eta Victoria lurraldea aurkitu zituen 1841ean. Bi urte geroago itzuli zen Londresa, eta A Voyage of Discovery and Research in the Southern and Antarctic Regions (1847, "Hegoaldeko eta Antartikako lurraldeak aurkitzeko eta esploratzeko bidaia") obra argitaratu zuen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.