James Goldsmith

Wikipedia(e)tik
Hona jo: nabigazioa, Bilatu

Sir James Michael "Jimmy" Goldsmith (Paris, 1933 - Benahavís, 1997) Britainiar-frantses finantza-gizona izan zen. Naziak agintera iritsi zirenean, Bahametara emigratu behar izan zuen, bere familiarekin batera. Etonen ikasketak egitera bidali zuten, 1946. urtean, baina huts egin zuen, eta bertan behera utzi zuen karrera. 1955ean negozioen munduan sartu zen: botika-enpresa bat sortu zuen Frantzian, eta beste zenbait enpresa erosi zituen pixkana-pixkana. 1964. urtean, botikagintzaren alorra alde batera utzi eta elikagaien industrian hasi zen lanean, Britainia Handian bertan lehenik, eta mundu guztian ondoren. Argitalpenaren munduan ere nabarmendu zen: 1977an L'Express frantses aldizkaria erosi zuen, eta 1986. urtean Frantziako bigarren argitaletxe handiena, Press de la Cité, eskuratu zuen. 1982tik 1985ra papergintzako eta basoko lehengaiez egindako ekoizkinen enpresak erosi zituen. 1987ko burtsako krisiari aurre egitea lortu zuen, burtsak hondoa jo aurretik saldu egin baitzituen bere enpresa guztiak. Bestalde, politikagintzan lan egiten saiatu zen, baina ezkonduta zegoen arren maitale bat zeukala-eta eskandalua zabaldu zen, eta ezin izan zituen bere helburuak bete. 1994an The Trap (Amarrua) liburua eman zuen argitara, eta iskanbila handia sortu zen liburu haren inguruan, truke libreari bertan egiten zitzaizkion kritikengatik.

Erreferentziak[aldatu | aldatu iturburu kodea]