Jean Ithurriaga
Jean Ithurriaga (Irulegi, Nafarroa Beherea, 1896 - Baiona, Lapurdi, 1960) Nafarroa Behereko euskaltzalea izan zen.
Biografia
Belokeko abade-etxean egin zituen lehen ikasketak. Lehen Mundu Gerran borrokan jardun ondoren, filosofia-ikasketak egin zituen Bordelen eta Parisen. Gerran ibili zen berriro 1940. urtetik aurrera.
1946. urtean Un peuple qui chante obra eman zuen argitara Miarritzen. Ondoren, Parisen jarri zen bizitzen eta bertako Euskaltzaleen Biltzarreko lehendakari hautatu zuten. Baionara itzuli zen eta hango museoko zuzendari izendatu zuten 1955. urtean. Harenak dira, Les Basques (1959), Meubles et ensembles basques (1960) eta Le Pays Basque obrak.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.