Julian Assange

Julian Assange
(2014) Irudi gehiago
Bizitza
Jaiotzako izen-deiturak	Julian Paul Hawkins
Jaiotza	Townsville (en) , 1971ko uztailaren 3a (52 urte)
Herrialdea	Australia Ekuador  (2017ko abenduaren 12a -  2019ko apirilaren 11)
Bizilekua	Embassy of Ecuador, London (en) Magnetic Island (en) Melbourne
Lehen hizkuntza	ingelesa
Familia
Aita	John Shipton
Ama	Christine Ann Assange
Ezkontidea(k)	Stella Assange  (2022ko martxoaren 23a -
Hezkuntza
Heziketa	Central Queensland University (en) Melbourneko Unibertsitatea Townsville State High School (en)
Hizkuntzak	ingelesa
Jarduerak
Jarduerak	Interneteko ekintzailea, hackerra, programatzailea, informatikaria, telebista-ekoizlea, telebista zuzendaria, idazlea, kazetaria, aurkezlea, enpresaburua eta Barneko salatzailea
Enplegatzailea(k)	WikiLeaks
Jasotako sariak	ikusi Sam Adams Award  (2010) Courage Award for the Arts  (2013) Gold medal for Peace with Justice  (2011) Index Award  (2008) Martha Gellhorn Prize for Journalism  (2011) Stuttgart Peace Prize  (2020) Sydney Peace Prize  (2011) Walkley Awards  (2011) Günter Walraff award  (2022) Serena Shim Award Ossietzky Prize  (2023)
Kidetza	Media, Entertainment and Arts Alliance (en)
Izengoitia(k)	Proff eta Mendax
Sinesmenak eta ideologia
Alderdi politikoa	WikiLeaks Party (en) hautagai independente

Julian Paul Assange (Townsville, Queensland, Australia, 1971ko uztailaren 3a - ) australiar ikerketa-kazetaria, aktibista politikoa, Interneteko ekintzailea eta programatzailea da. Bereziki nabarmendu da WikiLeaks webguneko sortzaile, bozeramaile eta buruetako bat baita. Webgune horrek iturri anonimoetatik jasotako mundu osoko herrialdeen ezkutuko informazioa plazaratzen du, gobernu eta erakundeen legez kanpoko jarduerak sarean eskuragarri jarriz. Horregatik sari ugari jaso ditu Julian Assangek, hala nola: Amnistia Internazionalaren Komunikabide Saria (2009), Stuttgart Peace Saria (2020) edo Konrad Wolf Saria (2023).

Assange 2019tik dago Erresuma Batuan kartzelatuta. Aurreko zazpi urteetan Ekuadorrek Londresen duen enbaxadan hartu zuen babes. Suediak nazioarteko atxilotze agindu bat eman zuen 2010ean, bortxaketa saiakera bat egotzita. 2010eko abenduaren 6an, bere burua ingeles epaitegien esku jarri zuen, eta estradizioaren inguruko lege prozesua zabalik zela lortu zuen Ekuadorren babes politikoa, 2012ko ekainean. Baina, baldintzapeko neurriak urratzea egotzita, asilo politikoa kendu zioten zazpi urte geroago, eta Westminsterko Magistratuen Auzitegiko epaile batek espetxeratzea erabaki zuen ondoren. Horren berri eduki eta berehala eskatu zuen estradizioa AEBetako Gobernuak —Donald Trump zen orduan Etxe Zuriko maizterra—.

AEBtako Gobernuaren salaketaren arabera, Assangek AEBtako dokumentu militar sekretuak legez kanpo eskuratu eta argitaratu zituen, eta horrela Ekialde Hurbileko eta Txinako espioien bizitzak «arriskuan» jarri zituen, baita AEBen beren «interesak» ere. Kazetariaren defentsarentzat, aldiz, «kriminalizatu» egin nahi dira «kazetaritza praktika arruntak», hala nola «interes publiko handia duen informazio klasifikatu egiatia argitaratzea». Nabarmendu izan du, bide batez, AEBen eta Erresuma Batuaren arteko estradizio hitzarmenak debekatu egiten duela arrazoi politikoengatik estraditatzea.

Kanpo estekak

• Datuak: Q360
• Multimedia: Julian Assange / Q360