Julio Medem

Wikipedia(e)tik
Hona jo: nabigazioa, Bilatu
Julio Medem
Julio Medem
Julio Medem 2010ean.
Datu pertsonalak
Izen osoa Julio Medem Lafont
Jaio 1958ko urriaren 21a
(56 urte)
Euskal Herria Donostia (Euskal Herria)
Lan nabarmenenak Behiak
Los amantes del círculo polar
Lucía y el sexo
Sariak Zuzendari berri onenaren Goya Saria (1993)
IMDB IMDBko fitxa


Julio Medem Lafont (Donostia, Gipuzkoa, 1958ko urriaren 21a - ) Euskal Herriko zinema zuzendaria da. Medikuntza ikasi zuen EHUn, eta horrek ukituak utzi dizkio bere lanetan.

1992an bere lehenengo pelikula estreinatu zuen ("Behiak"). Ordutik aurrera, arrakasta lortu du mundu osoan bere film luzeekin, berezkoa duen estiloa landuta ("La ardilla roja", "Tierra", "Los amantes del círculo polar" eta "Lucía y el sexo").

2003an aurkeztu zuen polemika handia ekarriko zion lana, Euskal Herriko egoera sozio-politikoa aztertzen duen "Euskal Pilota. Larrua harriaren kontra" film dokumentala.

Azken urteotan borobildu du bere ibilbidea "Caótica Ana" eta "Room in Rome" lanekin.

Biografia[aldatu | aldatu iturburu kodea]

EHUn medikuntza ikasketak egin zituen arren, aspalditik zetorkion zinemarako zaletasuna.

Kritikari bezala aritu zen La Voz de Euskadi eta Cinema 2002 argitarapenetan.

1987. urtean, medikuntza alderatuz, zinema profesionalean murgiltzea erabaki zuen. Zuzendari laguntzaile eta muntatzaile bezala aritu ondoren, Mitxel Gaztanbideren gidoi batan oinarrituta, bere lehen film luzea egin zuen, Vacas (1991), zuzendari berriei ematen zaien Goya saria jaso zuena.

Ondoren zuzendu zituen bi filmek, Tierra (1996) eta La ardilla roja (1993), nazioartean arrakasta handia izan zuten, beren ukitu esperimental eta abangoardistagatik.

Los amantes del círculo polar (1998) filmean amodiozko drama landu zuen.

Sexua du ardatz nagusia Lucía y el sexo bere hurrengo filmak (2000).

Zuzendari ez ezik, bere film gehienen gidoien egilea ere bada, eta beste batzuentzako gidoiak ere idatzi izan zitu, Itziar Bollainen Hola, ¿estás sola? (1995) filmarena, esaterako.

Filmografia[aldatu | aldatu iturburu kodea]

Urtea Filma
2010 Room in Rome
2007 Caótica Ana
2003 Euskal Pilota. Larrua harriaren kontra
2000 Lucía y el sexo
1998 Los amantes del círculo polar
1995 Tierra
1993 La ardilla roja
1992 Behiak
1988 Martín
1987 Las seis en punta
1985 Patas en la cabeza
1981 Si yo fuera un poeta
1977 El jueves pasado

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]


Erreferentziak[aldatu | aldatu iturburu kodea]