Juto

Wikipedia(e)tik
Hona jo: nabigazioa, Bilatu
Jutlandia penintsula, jutoen sorterria

Jutoak Jutlandia penintsulako aintzinako leinu germaniarra ziren.

Beren lurraldearen mugak ez daude argi. Bedak dio penintsularen hegoaldean dutela jatorria, Tazitok aldiz iparraldean kokatzen ditu eta Beowulf poema epikoan aldiz danioekin identifikatzen dira. Baina litekeena da beraiek Jutlandia osoa hartu izana iparraldean danioak zituztelarik (Suediako Eskania eskualdean), eta hegoaldean beste hiru leinu germaniar, hala nola angloak ekialdean, saxoiak erdian eta frisioak mendebaldean.

Danioen presioa zela eta jutoek hegoaldera migratu zuten III mendean eta 430. urterako Ingalaterra inbaditu anglo eta saxoiekin batera. Jutoak gaur egungo Hampshire eta Kent konderrietan eta Wight irlan kokatu ziren. Oraindik ere jutoen toponimo asko mantentzen dira bertan.

Bedak dioenez Hampshireko eta Wight uharteko jutoek saxoien garbiketa etnikoa jasan zuten 686. urtean, baina Kenten erreinua sortu eta luzaroan iraun zuten. Kenteko Ethelbert errege jutoa Bertha printsesa frankoarekin ezkondu zen eta hauek kristautasuna sartu zuten Ingalaterran.