Karlos V.a Frantziakoa

Wikipedia(e)tik
Hona jo: nabigazioa, Bilatu
Karlos V.a Frantziakoa
Karlos V.a Frantziakoa

Karlos VI.a Frantziakoaren estatua. Louvre.


1364ko apirilak 8 – 1380ko irailak 16
Aurrekoa Joanes II.a Frantziakoa
Ondorengoa Karlos VI.a Frantziakoa

Jaiotza 1338ko urtarrilaren 21a
Vincenneseko gaztelua
Frantziako erresuma
Heriotza 1380ko irailaren 16a
Château de Beauté, Vincennes
Frantziako erresuma
Ezkontidea Joana Borboikoa
Senideak Joanes II.a Frantziakoa (aita)
Bona Luxenburgokoa (ama)
Egoitza Paris
Erlijioa Kristaua

Karlos V.a Frantziakoa (Vincenneseko gaztelua, 1338ko urtarrilaren 21a - Beauté-sur-Marne, Vincennes, 1380ko irailaren 16a), Jakituna ezizenaz ezaguna, 1364-1380 bitartean Frantziako erregea izan zen. Bere erreinaldiak Ehun Urteko Gerraren lehenbiziko zatiaren amaiera markatu zuen, eta Frantziak lurralde asko berreskuratu zituen. Karlos II.a Nafarroakoa izan zuen barneko arerio nagusia.

Biografia[aldatu | aldatu iturburu kodea]

Joanes II.a Frantziakoa eta Bona Luxenburgokoa izan zituen gurasoak. Aita preso zen bitartean, erregeorde izan zen, Étienne Marcelen matxinada eta laborariena menderatu zituen eta Bretignyko hitzarmena sinatu zuen Ingalaterrarekin. Errege koroaturik, Karlos II.a Nafarroakoaren kontrako gerra amaitu zuen, Ingalaterrari Frantzian zituen ia lurralde guztiak kendu zizkion (Calais eta Bordele ingurua salbu), eta Bretainiako duketzarako gerra bukatu zuen.

Letren eta arteen babesle izan zen. Erregeren liburutegia sortu zuen, bere eskuizkribu bildumarekin, eta Louvre berriro eraiki zuen.

Ezkontza eta seme-alabak[aldatu | aldatu iturburu kodea]

1350ean Joana Borboikoarekin ezkondu eta bederatzi seme-alaba izan zituzten:

  • Joana (1357 – 1360)
  • Joanes (1363-1409)
  • Bona (1360 – 1360)
  • Joanes (1366 – 1366)
  • Karlos (1368 – 1422)
  • Maria (1370 – 1377)
  • Luis (1372 – 1407)
  • Elisabet (1373 – 1377)
  • Katalina (1378 – 1388)

Erreferentziak[aldatu | aldatu iturburu kodea]


Aurrekoa
Joanes II.a Frantziakoa
Frantziako erregea
1364-1380
Ondorengoa
Karlos VI.a Frantziakoa
Commonsen badira fitxategi gehiago, gai hau dutenak: Karlos V.a Frantziakoa Aldatu lotura Wikidatan