Klorita

Wikipedia(e)tik
Hona jo: nabigazioa, Bilatu
Laguntza:Mineral infotaula irakurtzeko eraMineral infotaula irakurtzeko era
Kloritak
Kloritak
Ezaugarri orokorrak
Kategoria Mineralak
Formula (Mg,Fe)3(Si,Al)4O10
(OH)2·(Mg,Fe)3(OH)6
Identifikazioa
Kolorea Berdearen aldaerak; gutxitan horiak, gorriak edo zuriak
Habito kristalinoa Orri-formako masak, agregatuak, ezkata sakabanatuak
Sistema kristalinoa Monoklinikoa 2/m; zenbait polimorfo triklinikoak dira
Haustura Perfektua 001
Fraktura Orri-formakoa
Gogortasuna
Mohs eskalan
2 - 2,5
Distira Beirakara, perla-itxurakoa, hitsa
Marra Berde argitik grisera
Dentsitate erlatiboa 2,6 - 3,3

Klorita (Mg,Fe)3(Si,Al)4O10(OH)2·(Mg,Fe)3(OH)6 formula kimiko orokorra daukaten mineral filosilikatoen talde bat izendatzeko erabiltzen den terminoa da. Formula honek taldearen egitura orokorra adierazten du. Kloritak disoluzio solidoen lau segidaren bidez deskriba daitezke, silikatoen saretan ondoko lau elementuen ordezkapena gertatzean sortzen direnak: magnesioa, burdina, nikela eta manganesoa. Segiden muturreko kideak hauek dira:

  • Klinokloroa: (Mg5Al)(AlSi3)O10(OH)8
  • Txamosita: (Fe5Al)(AlSi3)O10(OH)8
  • Nimita: (Ni5Al)(AlSi3)O10(OH)8
  • Pennantita: (Mn,Al)6(Si,Al)4O10(OH)8

Horrez gain, zinka, litioa eta kaltzioa daukaten espezieak ere ezagutzen dira. Mota askotako osaerak edukirik, beren propietate fisiko eta optikoak ere askotarikoak dira. Era berean, kloritak tenperatura- eta presio-baldintza askotan existi daitezke. Hori dela-eta, leku askotan agertzen dira: tenperatura baxu eta ertaineko arroka metamorfikoetan, zenbait arroka igneotan, arroka hidrotermaletan eta sakonera handietako sedimentuetan.

Kloritek grezierazko chloros, "berde", hitzari zor diote bere izena.

Commonsen badira fitxategi gehiago, gai hau dutenak: Klorita Aldatu lotura Wikidatan
Geologia Artikulu hau geologiari buruzko zirriborroa da. Wikipedia lagun dezakezu edukia osatuz.