Lionel Cooper

Wikipedia(e)tik
Hona jo: nabigazioa, Bilatu
Lionel Cooper 1960 inguruan.

Jacob Lionel Bakst Cooper (Beaufort West, Cape Province, Hegoafrika, 1915 - Londres, Ingalaterra, 1977) hegoafrikar matematikaria izan zen.

Biografia[aldatu | aldatu iturburu kodea]

Cape Towngo Unibertsitatean matematika- eta fisika-ikasketak egin zituen, eta sari ugari irabazi zituen graduatu baino lehen. Beka baten laguntzaz Oxfordeko Queen's Collegen jarraitu zituen ikasketak 1935ean. Han ere sariak irabazi zituen, bereziki funtzioen teoriaren arloan. Doktoregoa lortzeko asmotan Titchmarshen zuzendaritzapean lan egin zuen eta 1940an eskuratu zuen, Theory and applications of Fourier integrals (Fourierren integralen teoria eta aplikazioak) tesiari esker.

1940-1944 bitartean Bristol Aeroplane Companyn lan egin zuen. Londresko Birkbeck College eta Imperial Collegen eskolak eman ondoren, Cardiffeko matematika-irakasle hautatu zuten 1951n.

1965ean Torontora joan zen eta bi urte geroago Ingalaterrara itzuli zen. Cooperrek arlo ugaritan egin zituen ekarpenak: operatzaileen teorian (operatzaile linealak eta Hilberten espazio erreal eta konplexuak), transformazio-teorian (transformazio integralen bakartasuna eta irudikapena, hurbilketak, transformazio linealak, etab.), termodinamikan, analisi funtzionalean eta ekuazio diferentzialetan. Operatzaileen teoria landu ondoren, Einsteinekin bat etorri zen 1949an, quantumen teoriaren sendotasun logiko falta zela-eta.


Erreferentziak[aldatu | aldatu iturburu kodea]