Michel Foucault
Datu pertsonalak | ||
---|---|---|
Izen osoa | Michel Foucault | |
Jaio | 1926ko urriaren 15a | |
Poitiers (Frantzia) | ||
Hil | 1984ko ekainaren 26a) | |
Paris (Frantzia) |
Michel Foucault (Poitiers, Frantzia, 1926ko urriaren 15a - Paris, Frantzia, 1984ko ekainaren 26a), filosofo estrukturalista frantziarra izan zen, eta Pentsamendu sistemen historia katedraren irakaslea Collège de France-n 1970etik 1984ra. Bere obrak eragin handia izan du giza nahiz gizarte zientzietako autore ugaritan.
Biografia
Parisen egin zituen ikasketak eta 1960-1968 bitartean Clermont-Ferrandeko unibertsitatean irakasle izan zen. Bi urtez Paris-Vincennes-eko unibertsitatean irakasle izan ondoren, Collège de Franceko historiako katedradun izan zen hil arte.
Gizarteak bere antolamenduaren oinarrian dituen kontzeptuak eta kodeak aztertu zituen nagusiki, baztertze printzipioa batez ere (esate baterako, eriaren eta osasuntsuaren arteko bereizkuntza).
Hasierako lanetan, buru eritasunak eta horien trataerak landu zituen: Folie et déraison: Histoire de la folie à l´âge classique (1961, Eromena eta zibilizazioa); Surveiller et punir: Naissance de la prison (1975, Zelata eta zigorra: kartzelaren sorrera) liburuan gaur egungo kartzelen sistemaren jatorria aztertu zuen. L´Histoire de la sexualité (1976, Sexualitatearen historia) liburuan Sartaldeko sexuari buruzko ikusmoldea aztertu zuen.
Foucault izan da intelektual frantsesen artean azken urteotan eragin handiena izan duenetako bat.
Kanpo loturak
Wikimedia Commonsen badira fitxategi gehiago, gai hau dutenak: Michel Foucault |
- (Ingelesez) foucault.info webgunea
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- Apaolaza, X. 2009: "Genealogiaren haritik: Michel Foucault" in Historiaz mintzo. Foucault eta Bensaïd, Donostia, Jakin. ISBN 978-84-95234-38-4