Mizerinoren piramidea

Wikipedia, Entziklopedia askea
Mizerinoren Piramidea.

Mizerinoren Piramidea (Mizerino, Menkaura faraoiaren izen greziarra da) Gizako nekropolian aurkitzen diren hiru piramideetatik txikiena da. Mizerino edo Menkaurari, IV. dinastiako faraoia zena, ematen zaio piramide hau eraikitzeko agintzea. Bere garaian, "Piramide jainkotiarra" bezala ezaguna, hil multzoko zati zen, ondoko beste hiru piramiderekin, hil tenplu bat, haraneko tenplua, eta bi tenplu hauek lotzen zituen prozesio galtzada batekin batera.

Antzinatean, piramide hau, granito arrosazko hamasei ilararekin estalita zegoen, Asuaneko harrobietatik zetorren granitoa, gainontzeko estaldura, Turako kareharrizko blokeekin osatuta zegoen arren. Gaur egun, piramideak ia ez du bere jatorrizko estaldurarik, haren erdigunea osatzen duten ilara erregularrak ikus daitezke. Oinarritik gertu, jatorrizko granitozko estalduraren ilara batzuk daude. Piramideak bere iparraldeko aurpegiaren erdialdean, zulo handi bat du, ziur aski arpilaketan aritu zirenek egina, modu honetan, hil ganberara heltzea lortu ez zuten arren.

XX. mendean eginiko indusketa arkeologikoetan zehar, barruan zurezko sarkofago bat zuen basaltozko sarkofago bat aurkitu zen, giza itxurakoa, barnean momia bat zuena. Baina zurezko barne sarkofagoa ez zen Mizerinorena, XXVI. dinastiako pertsonaia garrantzitsuren batena zen. Basaltozko sarkofagoa, Espainiako Cartagena hiriaren kostaldean urpean galdu zena, ziur aski bazen Mizerinorena.

Granito arrosazko estalduraren hondarrak.

Neurriak[aldatu | aldatu iturburu kodea]

  • Garaiera: 66 m
  • Oinarriaren aldeak: 104,6x102,2 m
  • Maldaren angelua: 51º36'21"
  • Bolumena: 235.182 m³

Kanpo estekak[aldatu | aldatu iturburu kodea]