Pierre Louis Dulong

Wikipedia(e)tik
Hona jo: nabigazioa, Bilatu
Pierre Louis Dulong

Frantses fisikari eta kimikaria (Rouen, 1785 - Paris, 1838). 1812. urtean nitrogeno kloruroa aurkitu zuen, eta geroago, azido hipofosforosoa. 1819an, Alexis Thérèse Petit frantses fisikariarekin egin zituen neurketen ondoren, bien izena daraman legea azaldu zuen. Dulongek, halaber, gasen errefrakzio-indizeak eta hainbat gasetan hotsak duen lastertasuna zehaztu zituen. Katetometroa eta pisu-termometro bat asmatu zituen.

Dulong eta Petiten legea: fisikan, gorputz trinko bakunen masa atomikoa bero espezifikoaz biderkatu ondoko emaitza berdintsua da gorputz guztientzat, eta batez besteko balioa 6,4 da (lege hau zehatzagoa da oso tenperatura beroak eragiten direnean).

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Pierre Louis Dulong Aldatu lotura Wikidatan