Salvatore Accardo

Salvatore Accardo
	; (2012) Irudi gehiago
Bizitza
Jaiotza	Turin, 1941eko irailaren 26a (82 urte)
Herrialdea	Italiako Erresuma 1946ko ekainaren 18a); Italia (1946ko ekainaren 19a -
Hezkuntza
Heziketa	Accademia Musicale Chigiana (en)
Hizkuntzak	italiera
Ikaslea(k)	ikusi Afanasy Chupin (en) ;
Jarduerak
Jarduerak	classical violinist (en) eta orkestra zuzendaria
Lantokia(k)	Erroma
Enplegatzailea(k)	Accademia Nazionale di Santa Cecilia (en)
Jasotako sariak	ikusi Knight Grand Cross of the Order of Merit of the Italian Republic ; Commander of the Order of Cultural Merit (1999ko azaroaren 18a) ;
Genero artistikoa	musika klasikoa
Musika instrumentua	biolina
Diskoetxea	RCA Records; Philips; Deutsche Grammophon (en) ; Philips Classics Records (en)

Salvatore Accardo (Turin, 1941eko irailaren 26a) italiar biolin-jotzailea da. Napoliko Kontserbatorioan ikasi zuen, eta 1956ko azterketetan lehen saria lortu ondoren, Sienako Academia Chigiana ikastetxera joan zen hobekuntza ikasketak egitera. Ordurako Vercelli (1955) eta Genevako (1956) Nazioarteko Lehiaketetan saritua zen, eta 1958an Italiako Irrati Difusioaren saria eta Genevako Biolin Lehiaketa Nazionaleko lehen saria bereganatu zituen. Sari hauek lorturik, Europako eta Ameriketako herrialde guztietara eramango zuten nazioarteko emanaldiak eskaintzen hasi zen. Ganbera-musikaz interesaturik, Italiako Ganbera Orkestra sortu zuen 1968an; 1972an I Musici taldearen eraketan parte hartu eta 1977 arte jarraitu zuen taldean, urte hartan hasi baitzen biolin-jotzaile bakarlarien errepertorio handia interpretatzen. Bakarlari gisa, Accardok Bachen obratik eta Vivaldiren kontzertuetatik hasi eta egungo musikarainoko obrak interpretatzen ditu, baina osperik handiena Paganiniren lan guztien joaldi eta grabazioek eman diote. 1987az geroztik zuzendari-lanetan ere hasi da, baina ez da horregatik bere bakarlari jarduera alde batera utzi. Rossiniren L´occasione fa il ladro opera komikoa izan zen Accardok zuzenduriko lehen obra. Lehen ikasle aritutako lekuan, Academia Chigiana ikastetxean, irakasle ere izan zen 1973 eta 1980 bitartean. Accardok bere jabetzako bi Stradivarius erabiltzen ditu normalean: 1717ko Reiffenber izenekoa bata, eta 1718ko Suzko Txoria bestea. 1992. urtean Cuarteto Accardo taldea sortu zuen.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Salvatore Accardo

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q373703
Multimedia: Salvatore Accardo / Q373703