Superman (filma)

Superman (euskaraz Superman, hots, "Supergizona") 1978ko Richard Donner estatubatuar zinema zuzendariaren superheroi filma bat da. Jerry Siegel eta Joe Shusteren Superman pertsonaian oinarritua dago. Filma honetan Christopher Reeve, Gene Hackman, Marlon Brando eta Margot Kidder aktoreek antzeztu zuten.

Lortutako arrakastari esker bere jarraipenak izan zituen: Superman II (1980), Superman III (1983), Supergirl (1984), Superman IV: The Quest for Peace (1987), Superman Returns (2006) eta Man of Steel (2013).

Filma hiru Oscar Sarietarako izendatua egon zen.

Argumentua

Oharra: Atal honek istorio osoa edo amaiera argitzen du.

Galaxia urrun batetan dagoen eta suntsitzera doan Krypton planetan guraso batzuek bere haur jaio berria salbatzeko asmoz espaziora bidaltzen dute. Espaziontzia Lur planetan lurrartzen du, eta AEBtako nekazari bikote batek haurtxoa semetzat hartuz, gizakien baloreak irakasten dizkiotelarik. Haurtxoa urtetan aurrera doala gainontzekoengandik ezberdina eta superbotereak dituela erakutsiko du. Jada, heldutasunean gurasordeen etxaldea laga eta Metropolis hirira joan da, han Clark Kent izenez (Christopher Reeve) Daily Planet egunkarian lan egingo du, bertan Lois Lane (Margot Kidder) izeneko emakumezko kazetariaren lankidea izanez. Clarkek bi bizitza paralelo izango ditu, bata, egunerokoa eta jendearen agerikoa kazetari gisa, eta bestea ezkutukoa, Superman heroia gisa, bere superbotereekin Ongiaren alde eta Gaizkiaren aurka borrokatuz, tartean Lex Luthor aparteko talentudun gaizkilea dagoelarik.

Aktoreak

Marlon Brando: Jor-El
Gene Hackman: Lex Luthor
Christopher Reeve: Clark Kent / Superman
Ned Beatty: Otis
Jackie Cooper: Perry White
Glenn Ford: Jonathan Kent
Trevor Howard: Lehenbiziko Agurea
Margot Kidder: Lois Lane
Jack O'Halloran: Non
Valerie Perrine: Eve Teschmacher
Maria Schell: Vond-Ah
Terence Stamp: Zod jenerala
Phyllis Thaxter: Martha Kent
Susannah York: Lara
Jeff East: Clark Kent nerabea
Marc McClure: Jimmy Olsen
Sarah Douglas: Ursa
Harry Andrews: Bigarren Agurea

Kanpo loturak

Superman filmaren IMDBko fitxa irakurgai (Ingelesez)