Tiristore

Tiristorearen ikurra.

Tiristorea egoera solidoko osagai elektronikoa da. Lau geruza ditu, bi N motako eta beste bi P motako erdieroaleak tartekatzen (PNPN) ditu.

Normalean SCRari tiristore deritzo gehien hedatuta dagoen tiristore mota delako.

Funtzionamendua

Tiristorea lau geruzako osagai erdieroalea da, N motako eta P motako erdieroale bina ditu, P-N-P-N juntura osatuz. Terminal nagusiak anodoa eta katodoa dira, biek lau junturak zeharkatzen dituzte. Kontrol terminala berriz, atea, P motako erdieroaleari lotuta dago. Tiristorearen funtzionamenduari dagokionez, pizte-egoeran (latching state) lan egiten duten bi transistore bipolar bailiran jotzen da:

Egoerak

Tiristoreek hiru egoera dituzte:

1. Alderantzizko blokeo- edo etendura-egoera -- $V_{AK} < 0$
2. Zuzeneko blokeo- edo etendura-egoera -- $V_{AK} > 0$ baina zirkuitua desarratu gabe.
3. Zuzeneko eroapen-egoera -- $V_{AK} > 0$ eta zirkuitua desarratuta ($I_{G} > 0$).

Eroapen-egoera

Tiristorea eroapen-egoeran lan egin dezan, gutxienez bi baldintza bete behar ditu:

1. Zuzenean polarizatzea, hau da, anodoko tentsioa katodokoa baino handiagoa egitea ($V_{AK} > 0$)
2. Hiru hauetako bat:
   1. Zirkuitua desarratzea, hau da, $I_{G} > 0$ eginez eta $V_{BO} > V_{AK}$ denean
   2. $V_{BO} > V_{AK}$ eginez
   3. $V_{AK}$ bizkor igotzea, denborarekiko deribatua altua izan dadin ($\frac{dV_{AK}}{dt}$)

Blokeo- edo etendura-egoerak

Zuzeneko blokeo- edo etendura-egoera

$V_{BO} > V_{AK} > 0$ baina zirkuitua desarratu gabe ($I_{G} = 0$).

Alderantzizko blokeo- edo etendura-egoera

Katodoaren tentsioa anodoarena baino handiagoa denean ($V_{AK} < 0$)

Terminalak

Tiristorearen geruzak.

Tiristoreak, irudian ikus daitekeen bezala, hiru terminal ditu:

• Anodoa (Anode)
• Katodoa (Cathode)
• Atea (Gate): Kontroleko terminala da.

Tiristore motak

• SCR (Silicon Controlled Rectifier)
• ASCR (Asymmetrical SCR)
• RCT (Reverse Conducting Thyristor)
• Fototiristore edo LASCR (Light Activated SCR, edota LTT (Light Triggered Thyristor))
• DIAC eta SIDAC
• BOD (Breakover Diode)
• TRIAC (Triode for Alternating Current)
• GTO (Gate Turn-Off Thyristor)
• IGCT (Integrated Gate Commutated Thyristor)
  • MA-GTO (Modified Anode Gate Turn-Off thyristor)
  • DB-GTO (Distributed Buffer Gate Turn-Off thyristor)
• MCT (MOSFET Controlled Thyristor)
  • BRT (Base Resistance Controlled Thyristor)
• SITh (Static Induction Thyristor), edota FCTh (Field Controlled Thyristor)
• LASS (Light Activated Semiconducting Switch)