Txetnikak (serbokroazieraz: Četnici, Четници, tʃɛ̂tniːtsi ahoskatua; eslovenieraz: Četniki) Jugoslaviako milizia armatu bat izan ziren, Bigarren Mundu Gerraren hasieran Ardatzeko Potentzien indar armatuen aurka erresistentzia eta gerrilla-guda aurrera eraman zuena, bereziki serbiar nazionalistek osatua. Gerra aurrera joan ahala, partisanoen erresistentzia-taldeen aurka ere jo zuten, antikomunistak ere baitziren. Azkenean, txetnik talde batzuk italiar faxista eta alemaniar naziekin kolaboratzera ere heldu ziren. Gerra ondoren, guztiz deseginda geratu zen milizia.
