Usaimen

Usaimena gizakiek dituzten bost zentzumenetako bat da, sudurrak ahalbidetzen dutena. Honekin lotutako gaixotasunez neurologoak arduratzen dira. Bestela, usaimen eza anosmia da.

Gizakian

Sudurreko pituitariako nerbio muturrek jasotzen dute aireak eroaten dituen zatiki usaintsuen informazioa, eta, handik, usaime-nerbioaren bidez, garunera igaroarazten dute. Frogatu ahal izan denez, funtsezko zazpi usain bereizten ditu gizakiak: kanforra, almizklea, lorea (arrosarena), menda, eterra, mikatza (ozpinarena), eta kiratsa (arrautz ustelarena). Izan ere, oinarrizko zazpi usain horiei, pituitariaren hartzaile berezi bana dagokio, eta haietatik abiatuta osa ditzake gainerako guztiak.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.

Kanpo loturak

• (Euskaraz) Ibon ODRIOZOLA AGIRRE: A zer molekula-usaina! Zientzia.net
• (Euskaraz) Edorta AGIRRE: Usaimena, pista askoren argi-emaile Berria.info