Zugspitze

Zugspitze Alemaniako mendirik altuena da, 2.964 metrotara. Alpeetan dago mendia.

Mendi honek muga egiten du Austriarekin, Tirolekin hain zuzen ere. Mendiaren zatirik handiena Austria bada ere, tontorra Alemaniako lurretan dago, Bavierako lurretan.

Mendi honetara igotzeko tren bat dago, 2.560 metrotara heltzen dena, Bayerische Zugspitzbahn alegia. Trenak Garmisch-Partenkirchen herritik igo egiten du goraino. Hortik gora teleferiko batek mendi tontorreraino eramaten zaitu. Mendi tontorra turistez betea dago normalean eta neguan eskiatzailez beteta.