1923ko Ingalaterrako Futbol Koparen Finala

1923ko Ingalaterrako Futbol Koparen Finala
Mota	FA Cup Final (en)
Honen parte da	1922–23 FA Cup (en)
Data	1923ko apirilaren 28a
	← 1922 FA Cup Final (en) 1924 FA Cup Final (en) →
Kokaleku	Wembley estadioa (1923)
Herrialdea	Britainia Handia eta Irlandako Erresuma Batua
Kirola	futbol
Parte hartzaileak	126.047
Irabazlea	Bolton Wanderers Football Club

Zaldi zuriaren gaineko polizia ikusleen artean: *Billie* zaldiaren gainean zihoan George Scorey ofiziala.

1923ko Ingalaterrako Futbol Koparen Finala edo Zaldi Zuriaren Finala 1923ko apirilaren 28an Bolton Wanderers F.C. eta West Ham United F.C. futbol taldeek Wembley Stadium estadioan jokatutako Ingalaterrako Futbol Kopako finala izan zen. Bolton Wanderers F.C. taldeak West Ham United F.C. taldeari 2-0 irabazi zion (David Jack eta Jack Smithen golak). Partidu honetan ikusle gisa eta kopa irabazleari eskeintzeko asmoz Jurgi V.a Erresuma Batukoa egon zen.

Halere, final hau Ingalaterra eta munduko futbolzaleen oroimenean betirako gelditu baldin bada, bertaratu zen izugarrizko jende andanarengatik izan zen. Futbolaren Historian erregistratutako ikusle kopuru handiena izan duen partidua izan da, uste denez denera 300.000 ikusle bildu omen ziren, garai guztietako errekora duelarik. Ofizialki, partidu hartako ikusle kopurua 126.047 ikuslekoa izan zen, halere benetan 150.000-300.000 ikusle egon ziren.

Jada partidua hasi aurretik jende andana handia inguratu omen zen, Wembley estadioko 125.000 ikusleentzako edukiera sobera iraganez. gutxi gorabehera 300.000 ikusleek sarrera erostea lortu zuten, ondorioz armailek gainezka egin eta jendeak zelaiaren alboetan lekua topatzea beste aukerarik ez zuen izan.

Jendeak futbol zelaiko marrak iragan eta jokoa eten ez zezan zaldizko poliziak ikusleak zelaitik kanpo mantentzen lan egin beharra izan zuen, egun historiko hartako argazki batean zaldi zuri baten gainean zihoan zaldizko polizia bat agertzen da: Billie zaldiaren gainean zihoan George Scorey ofiziala, hortik aurrera partidu ahaztezin honi Zaldi Zuriaren ezizenaz deitu ohi izan zitzaion. Nahiz eta jendeak Billie zaldia zuri kolorekoa zela uste eta garaiko zuri-beltzeko egunkarietan hala dirudien, berez zaldi grisa zen.

Poliziak nola edo hala jendea futbol zelaiko marretatik kanpo mantendu ondoren, partidua 45 minutuko atzerapenarekin hasi zen. Nahiz eta West Ham United taldea presionatzen hasi, Bolton taldea partiduan zehar nagusi agertu eta azkenean garaile izan zen, eta bere historian lehenbiziko aldiz irabazi zuen Ingalaterrako Futbol Kopako finala.

Denera, partiduaren ondorioz 900 zauritu arin egon ziren, 22 lagun ospitalera eraman zituzten, haietako 10 laster kalean zirelarik.

Egun hartan bizitako jendetza eta eromenaren ondoren Erresuma Batuko Komunen Ganberan eztabaida piztu zen, William Bridgeman barne ministroak halako gertakaririk berriz errepikatu ez zedin neurriak hartzea erabaki zuen: ikerketa publiko bat ireki zuen, baina poliziak bere lana egoki egin zuela frogatu zenean, ikerketa bere hartan gelditu zen.

Kanpo estekak[aldatu | aldatu iturburu kodea]

Datuak: Q1345035
Multimedia: FA Cup Final 1923 / Q1345035