Aiumeen basoa
| Aiumeen basoa | |
|---|---|
| Datuak | |
| Jatorria | Donostia (Gipuzkoa) |
| Musika mota | pagan folk |
| Urteak | 1994 |
| Produkzioa | |
| Diskoetxea(k) | War is Imminent, Erzsebet Records |
| Taldekideak | |
| Egoitz Beleak Mikelot Ruben Eider Oihane Imanol | |
| Lehengo taldekideak | |
| Belainotz Fory Ibai | |
| Informazio gehigarria | |
     | |
Aiumeen Basoa, Euskal Pagan Folk Metal deritzaion joera musikal honetan aintzindarietako bat da, 1994.urtean sortu zen hurrengo taldekideak zituelarik: Egoitz (baxua eta teklatua), Beleak (gitarra eta ahotsa), Mikelot (gitarra eta ahotsa) eta Belainotz (bateria).
Ibilbidea[aldatu | aldatu iturburu kodea]
Denbora aurrera joan ahala, honako partadideak batu ziren taldera: Paul (haize instrumentuak), Herio (teklatua), Ibone (ahotsa) eta Aitor (bibolina). Hiru abestiz osatutako lan promozionala grabatu ondoren, “Triarchy of Vasconia – Iluntasunaren itzulera” izeneko split batean parte hartzea erabaki zuten, arestian ekoiztutako kantak bertan sartuz. Beste bi euskal talderekin batera, Adhur eta Ilbeltz, argitaratu zuen azkenik 1999an "War Is Inminent" izeneko disketxe espainiarrak lana.
Taldekideen aldaketa ugari dela medio, Aiumeen Basoko ohizko jarduera guztiz moteldu zen, nahiz eta taldearen sortzaile izan ziren taldekideek kantak konposatzen jarraitu zuten. Hori dela eta, azkenik taldekide berriak sartu ziren taldean, Fory (Bateria), Ibai (Teklatua eta Eskusoinua), Oihane (Ahotsak), eta Imanol (Bibolina). Aiumeen Basoko estreineko lanean metal naiz Euskal Folk Kutsuko melodiak, erritmo aldaketa konplexu, instrumentu eta konponketa ugariz osaturiko lan borobila topa dezakegu. Euskal musika tradizionalaren eraginaz batera, Noruegako black metalaren eragina ere bertan da, Ulver edo In the woods bezelako taldeak aipa ditzakegularik.
Gaur egun, taldekideen artean ere izan da aldaketarik. Ibairen ordez Eider Bailador ari da teklatu lanetan eta Ruben Irigoyen baterian. Oraindik taldeak bere horretan jarraitzen du, noizbehinkako kontzertuak ematen eta kanta berri bat edo beste erakusten. Beharbada beste lanen bat argitaratzea legoke Aiumeen Basoaren planetan.
Diskografia[aldatu | aldatu iturburu kodea]
- Tryarchy Of Vasconia-Iluntasunaren Itzulera (1998, War is Imminent), Ilbeltz eta Adhur taldeekin batera.
- Iraganeko bide malkartsutik (2010, Erzsebet Records)
Kanpo estekak[aldatu | aldatu iturburu kodea]
Datuak: Q12252986