Alcoletgeko geltokia

Alcoletge
lineako tren bat Balaguerrera bidean
Lineak
« Polígon del Segre ◄    ► Vilanova »⁠ « Polígon del Segre ◄    ► Vilanova »
Kokapena
Helbidea	Camí de Granyena
Udalerria	Alcoletge, Katalan Herriak
Geltokiaren datuak
Gunea	1. gunea
Irekiera	1924ko otsailaren 3a
Irisgarria
Nasak	1
Trenbideak	1
Jabea	FGC
Eragilea	FGC
Garraio zerbitzuak
Rodalies	Lleida ↔ Balaguer   Lleida ↔ La Pobla

Alcoletge Lleida-La Pobla de Segur lineako geltoki bat da, Alcoletgeko udalerrian kokatuta dagoena. Geltokian Lleidako aldirietako   eta   lineek dute geltokia. Bestetik, sasoi turistikoan Tren dels Llacs zerbitzu turistikoa eskaintzen da. Geltokia eskaerapeko geraleku modura funtzionatzen du eskaintzen diren tren zerbitzuetarako.

Egoera

Geralekua honako burdinbide hauen ibilbidearen zati da:

•  Lleida — La Pobla de Segur: 6,589 kilometro-puntua.

Historia

Lleida eta La Pobla arteko trenbidea 1924ko otsailaren 3an ireki zen, Lleida eta Balaguer arteko tartearen inaugurazioarekin. Trenbide berriaren helburua Lleida eta Saint-Girons, Frantzian, trenaren bidez lotzea zen.

Primo de Riveraren diktaduran linearen luzapen lanak hasi ziren Balaguertik La Pobla eta Saint-Gironsera luzatzeko eta Lleidatik trenbidea Baezara luzatzeko. Nahiz eta proiektua "premiazko" bezala kalifikatu diktaduraren Guadalhorce Plana-n, handik gutxira prokamatutako Bigarren Errepublikak lanak geldiarazi zituen proiektuaren berrikusketa burutzeko.

Errepublikak eta gerora gertatutako Gerra Zibilak trenbidearen luzapen lanak bertan behera utzi zituen, eta ez zen 1940ko hamarkadara arte aurrerapenik egin. 1940ko hamarkadan, Francoren Diktadura garaian, luzapen lanak jarraitu ziren RENFE enpresak zuzenduta. Horrela, trenbidearen luzapena lortu zen Balaguertik La Pobla de Segurrera, tartea 1951eko azaroaren 13an ireki zelarik.

1962-an, Munduko Bankuak gomendatuta, Espainiako Gobernuak trenbide berrietarako finantzaketak murriztu zituen, Lleida eta La Pobla de Segur arteko trenbideak luzapen gehiagorik izan gabe.

1980ko hamarkadan estatu osoko trenbideen finantzaketaren errebisioa eman zen, linea defizitarioen ixtea aztertuz. Lleida-La Pobla trenbidea ixteko arriskuan zegoen, baina 1984ko abenduan Lleidako Diputazioak, Generalitateak eta RENFEk zerbitzuen jarraitasuna bermatu zuten, zerbitzuaren defizitaren finantzarako akordio bat sinaturik.

Momentu horretarik aurrera, Generalitateko gobernu desberdinek trenbidearen transferentzia eskatzen hasi ziren, azkenean 2005ko urtarrilaren 1ean eman zena. Momentu horretarik aurrera, linearen kudeaketa FGC enpresa publikoaren esku geratu zen, nahiz eta material mugikor aproposaren faltan, tren zerbitzuak Renfe-k eskaini. 2016ko uztailaren 25ean, FGC bihurtu zen linearen eragile bakarra, 331 serieko tren berriak zerbitzuan sartu ostean. Tren berriak entregatu eta Adif-ek homologatu bitartean, Alcoletgeko geltokian ematen zen gidariaren aldaketa, FGC-ko gidariek ez baitzuten homologazioa bukatu arte Adif-en trenbide sarean sartzeko baimenik.

Zerbitzuak

Lleida-La Pobla de Segur linea  Zerbitzua   Hasiera   Ibilbidea   Amaiera ⁠  RL1 Lleida Pirineus Polígon Industrial del Segre • Alcoletge • Vilanova de la Barca • Térmens • Vallfogona de Balaguer Balaguer⁠  RL2 Lleida Pirineus Polígon Industrial del Segre • Alcoletge • Vilanova de la Barca • Térmens • Vallfogona de Balaguer • Balaguer • Gerb • Sant Llorenç de Montgai • Vilanova de la Sal • Santa Linya • Àger • Cellers-Llimiana • Guàrdia de Tremp • Palau de Noguera • Tremp • Salàs de Pallars La Pobla de Segur

Ikus, gainera

• Lleidako aldiriak
• Kataluniako aldiriak

Kanpo estekak

• Lleida-La Pobla linearako FGC-ren webgunea
• 'Tren dels Llacs' tren turistikoaren webgunea

• Datuak: Q5398649