Aleksei Mordaxov

Aleksei Mordaxov
	; (2018) Irudi gehiago
zuzendari exekutibo	;
zuzendari exekutibo
Bizitza
Jaiotza	Txerepovets, 1965eko irailaren 26a (58 urte)
Herrialdea	Sobietar Errepublika Sozialisten Batasuna ; Errusia
Hezkuntza
Heziketa	Northumbria University (en) ; Saint Petersburg State University of Engineering and Economics (en)
Hizkuntzak	errusiera; ingelesa
Jarduerak
Jarduerak	enpresaburua eta ekintzailea
	Parte-hartzailea World Economic Forum Annual Meeting 2014 (en) ; World Economic Forum Annual Meeting 2015 (en) ; World Economic Forum Annual Meeting 2016 (en) ; World Economic Forum Annual Meeting 2017 (en) ; World Economic Forum Annual Meeting 2018 (en) ; World Economic Forum Annual Meeting 2019 (en) ; World Economic Forum Annual Meeting 2020 (en) ; World Economic Forum Annual Meeting 2004 (en) ;
Jasotako sariak	ikusi Ohorezko Ordena (2011) ; Medal of the Order "For Merit to the Fatherland", 1st class (1999) ; Medal of the Order "For Merit to the Fatherland", 2nd class (1996) ; Cross of Recognition ; Order of Alexander Nevsky (2015) ; Decoration "For Beneficence" ; Italiako Errepublikako Merituaren Ordenako komendadore ; Order of Holy Prince Daniel of Moscow 3rd class ; Dr. Friedrich Joseph Haass-Preis (2009) ; Order of Friendship ;
Kidetza	German-Russian Forum (en)

Aleksei Aleksandrovitx Mordaxov (Txerepovets, Errusia, 1965; errusieraz Алексей Александрович Мордашов) errusiar enpresaburu eta oligarka bat da. Severstal enpresa metalurgiko, energetiko eta meatzaritzako enpresetan interesak dituen talde errusiarreko akziodun eta presidente nagusia izan da hainbat urtez. 2021an Bloomberg agerkariak, 25.800 milioi dolarreko jabetzak kalkulatu zituen Mordaxoventzat, eta Errusiako laugarren pertsona aberatsena litzateke. Familia osoko aktiboak kontuan hartzen dituen Forbes rankingean, ordea, Mordaxov lehen postuan zegoen errusiar aberatsen artean (29.100 milioi dolar)^[1].

Ibilbidea[aldatu | aldatu iturburu kodea]

Metal fundizioko bi langileren semea da, Txerepovetsen jaioa.

Ekonomia ikasi zuen Leningradon eta titulua eskuratuta, bere jaioterrira itzuli zen eta Txerepovetsko Metalurgia Plantan (Txerepovetskom Metallurgitxeskom Kombinate zeritzona) lanean hasi zen 1988an. 1992rako enpresako finantzaburu bilakatu zen, eta zuzendariaren suhi ere bai (Juri Lipukhin zuzendariaren alaba Jelena Liphukinarekin ezkondu zen). Handik gutxira, Boris Jeltsinen lehen pribatizazio sisteman, kupoi-pribatizazioaren eskeman, bere aberastasuna eraiki zuen. 1993an, enpresaren akzioen %51 langileen artean kupoi bidez banatzekoak ziren, baina Lipukhinen enkarguz, Mordaxovek enpresako irabazien fondo batekin, diruz erosi zizkien kupoiak langile gehienei: likidezia behar zuten langileek, eta Mordaxov bezalako enpresako exekutibo arguek (zuzendari gorriak esaten zaie geroagoko literaturan), metodoak asmatu zituzten diruz merke ordaintzeko kupoiak, eta akzioak horrela poltsikoratzeko.

Izatez, Mordaxoven jokaldia are zurrunagoa izan zen: urte gutxiren buruan Lipukhin zuzendariak ikusi zuen bere izenean ere apenas zegoela ezer, eta akzioen multzoa Mordaxovek poltsikoratu zuela. Horrekin, Txerepovetsko metalurgiatik hasita, Severstal enporioa bihurtzen joan zen Mordaxov^[2] ^[3].

1990eko hamarkadan, lehengai eta industria pisutsuko aberatsek ez zuten oligarken lehen lerro mediatikoa bete (finantzek eta hedabideek distirutsuagoak ziruditen), baina 1998ko krisiaren ondoren, eta 21. mendean Vladimir Putin buruzagi bihurtzearekin, sektore hauetan egin zen dirutza, eta hor are aberatsago bilakatu zen Mordaxov.

2015ean Severstaleko zuzendaritza utzi zuen Mordaxovek, baina akziodun nagusia izaten jarraitzen du. TUI Group bidaia eta turismo alorreko munduko enpresa handienetekoan %30a dauka, eta Power Machines elektrizitate sorkuntzako makinen enpresaren jabe da (Siemens-ekin joint venture bat), AEBen zigor ekonomikoek jo izan duten enpresa bat^[1].2022ko Ukrainako inbasioaren ondorengo zigor ekonomikoen baitan Mordaxoven izena zigortu posibleen artean agertu izan da. Horren harira, bere jabetza batzuk emaztearen izenean (2.a, ez Txerepovetsko zuzendari haren alaba) jarri zituela argitaratu zen^[4].