Almonaster la Realgo meskita

Wikipedia, Entziklopedia askea
Jump to navigation Jump to search
Almonaster la Realgo meskita
Kultura ondasuna
Almonaster la real vue d'ensemble.jpg
Kokapena
Herrialdea Espainia
Autonomia Andaluzia
ProbintziaHuelvako probintzia
UdalerriaAlmonaster la Real
Koordenatuak 37° 52′ 10″ N, 6° 47′ 15″ W / 37.8695°N,6.78758°W / 37.8695; -6.78758Koordenatuak: 37° 52′ 10″ N, 6° 47′ 15″ W / 37.8695°N,6.78758°W / 37.8695; -6.78758
Historia eta erabilera
Erlijioa islama
Elizbarrutia Roman Catholic Diocese of Huelva
Arkitektura
Estiloa Erromatar arkitektura
Ondarea
BIC RI-51-0000619-00000

Almonaster la Realgo meskita (gaztelaniaz: mezquita de Almonaster la Real) Espainiako Andaluzia erkidegoko Huelvako probintziako herri horretan zegoen islamdar otoitz-gune bat izan zen. Kordobako kaliferriaren garaian eraiki zen, IX. eta X. mendearen artean, Almonastergo gazteluaren barnean, VI. mendeko basilika bisigodo baten hondakinen gainean, honen materialak berrerabili egin zirelarik. Kristau Errekonkistaren ondoren ermita bihurtua izan zen, Andre Maria Sortzez Garbiari eskainia, ordutik gurtza katolikoa zuelarik.

Balio handiko multzo historiko eta artistiko bat da, landa gune batean Espainian ia kalterik jasan gabe mantendu den andalustar meskita bakarra baita, egundaino eraikin hauen propioa den xalotasun eta baretasuna mantenduz. Erromatar, kalifar eta kristau elementuekin, 1931ko ekainak 3an Monumentu nazional izendatua izan zen, modu orokorrean 1949ko apirilak 22ko dekretua eta Espainiar Ondar Historikoari buruzko 16/85 Legeak modu orokorrean babestua. Gaur egun, bere funtzio erlijiosoa kulturgune funtzioarekin uztartzen du.

Deskribapena[aldatu | aldatu iturburu kodea]

Barnealdeko zutabeak.

Meskita Almonaster la Real herria domeinatzen duen muino baten eraikia dago. Otoitz-guneaz gain, zezen plaza baten ondoan dagoen gotorleku musulman bat ere hartzen duen multzo batean dago.

Trapezoide formako eraikin bat da, ziur asko lurrazalaren gainbeherak eragindako forma. Tenpluaren egituran islamdar gurtza tokien antolaketa klasiko bat ikus daiteke, bi gune ezberdin ikus daitezkeelarik: Abluzioen patioa edo sahna, eta otoitz aretoa edo harama, alboko hamaika metro inguruko area karratu bat osatuz. Otoitz aretoa zabalera ezberdineko bost nabez osatua dago. Bere arkudiak, Kordobako meskitakoak bezala, alkiblarekiko zeharka doaz. Erdiko nabea hurrengo biak baino zabalagoa da, hauek, era berean, kanpoaldeko biak baino zabalagoak direlarik. Hegoaldeko aldean dauden zatiak besteak baino zabalagoak dira, argi eta garbi T forma hartuz. Patioa mendebaldeko alboko bi nabeen luzapenean, zati batean harkaitzean zulatua dago.

Eraikina adreiluz, granitozko harlanduz eta harri-hormaz egina dago. Eraikitzeko, I. eta II. mendeetako erromatar jatorriko hil aldare, zutabe eta kapitelak bezalako eramateko gaiak erabili ziren, baita V. eta VI. mendeetako zati bisigodoak ere, epitafiodun hilarri bat, ikonostasi kantzel bat, zimazio bat eta ateburu bat. Arkuak adreiluz eginak daude, eta euskarri heteroklito batzuetan pausatuak daude. Batzuk zutabe fusteak dira, beste batzuk harrizko zutabeak.


Wikimedia Commonsen badira fitxategi gehiago, gai hau dutenak: Almonaster la Realgo meskita Aldatu lotura Wikidatan