Anemia kaltegarri

Wikipedia, Entziklopedia askea
Jump to navigation Jump to search
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Anemia kaltegarri
Deskribapena
Mota deficiency anemia Itzuli, nutritional deficiency diseasea Itzuli
vitamin B12 deficiency anemia Itzuli
Espezialitatea hematologia
Arrazoia(k) vitamin B12 deficiencya Itzuli
Honen izena darama Thomas Addison
Tratamendua
Erabil daitezkeen botikak hydroxocobalamin Itzuli eta B12 bitamina
Identifikatzaileak
GNS-10-MK D51.0
GNS-9-MK 281.0
OMIM 170900 eta 170900
DiseasesDB 9870
MedlinePlus 000569
eMedicine 000569
MeSH D000752 eta D000752
Disease Ontology ID DOID:13381 eta DOID:13381

Anemia kaltegarria B12 bitaminaren ezak sortzen duen anemia mota bat da, gaixotasun autoimmunentzat jotzen dena. Bitamina horren gabeziak globulu gorrien eraketa -hots, eritropoiesia- eragozten du, anemiaren ohiko sintomak agertuz.

B12 bitamina (kobalamina ere deitua) heste meharrean xurgatzen da, eta funtsezko zeregina burutzen du eritrozitoen sorrera prozesuan. Xurgapen hori gerta dadin beharrezkoa da urdailak ekoizten duen F faktorea edo faktore intrintsekoa (antza, faktore horrek B12 bitaminaren pinozitosia errazten du). Faktorerik ezean hartutako kobalamina ez da xurgatzen eta ez da odolera eta hezur-muinera iristen, anemia kaltegarria agertuz.

Gaixotasun autoimmune honen ondorioz organismoak faktore intrintseko sortzen duten urdailaren zelulen aurkako antigorputzak ekoizten ditu, atrofia gastrikoa eraginez eta faktore intrintsekoaren sorrera inhibituz.

Anemia kaltegarria beste gaitz autoimmuneekin batera ager daiteke, besteak beste diabetes mellitus 1, Addisonen gaixotasuna, Crohn gaitza, miastenia gravis, Hashimotoren tiroditisa, etab.

Gaitzak eritrozitoen kopurua asko jaisten du. Eritrozitoak, bestalde, handitu egiten dira. Leukozito eta plaketen kopurua ere txikitu egiten da. Honen guztiaren ondorioz honako sintoma hauek agertzen dira: nekea, zurbiltasuna, arnasa hartzeko arazoak, beherakoak, odoljarioak eta hainbat kalte neurologiko.

Tratamenduari dagokionez B12 bitamina hartu behar da, injekzioaren bidez. Aho bidezko hartualdia ez da egokia, bitamina heste meharrean xurgatzen ez delako.