Edukira joan

Anna Caballé Masforroll

Wikipedia, Entziklopedia askea
Anna Caballé Masforroll

(2018)
Bizitza
Jaiotzako izen-deiturakAnna Caballé Masforroll
JaiotzaL'Hospitalet de Llobregat, 1954 (69/70 urte)
Herrialdea Katalunia
Hezkuntza
HeziketaBartzelonako Unibertsitatea
Jarduerak
Jarduerakunibertsitateko irakaslea, idazlea eta saiakeragilea
Enplegatzailea(k)Bartzelonako Unibertsitatea
Jasotako sariak
Genero artistikoabiografia
saiakera
literatura kritika

Ana Maria Caballé Masforroll, ezagunagoa Anna Caballé izenez (Hospitalet de Llobregat, Bartzelona, Katalunia, 1954) bartzelonar idazle, literatur kritikari eta unibertsitate irakaslea da. 2017 eta 2021 artean, Klasikoak eta Modernoak genero eta kulturaren inguruko elkarteko presidentea izan zen. Biografietan aditua, 2019an Espainiako Historiako Sari Nazionala jaso zuen Concepción Arenal. La caminante y su sombra (Concepcion Arenal. Ibiltaria eta haren itzala) lanagatik.

Bizitza

[aldatu | aldatu iturburu kodea]

Caballék azaldu zuen Zweig eta Ludwing biografiak irakurtzen zituela 12 edo 13 urte zituenean: "Aitak oparitu egiten zizkidan, haur-liburuen ordez". Deigarria egin zitzaion bere unibertsitate-ibilbidean inork ez aipatzea biografia bat, egunkari bat edo gutun batzuk.[1][1] Horri buruz ikertu zuen, eta Bartzelonako Unibertsitatean doktoratu zen La literatura autobiográfica en España (1939-1975) tesiarekin; doktoregoko sari berezia irabazi zuen lan horrekin.[2] Bartzelonako Unibertsitateko Espainiar Literaturako irakasle titular lanetan hasi zen 1987an, eta Ikerketa Biografikoen Unitateko arduradun.

90eko hamarkadaren amaieran, Joana Bonetekin batera, Marie Claire aldizkariak 1999an deitu zuen literatura pertsonaleko "Contradiction Saria" antolatu zuen,[3] eta bere historia kontatzen zituzten emakumeen ia 2.000 memoria jaso zituen.[4] Bakardadearen eta atsekabearen historia horiek irakurtzea inflexio puntua izan zen Anna Caballerentzat.

Oihu bat: zer gertatzen zaigu. " Zerbait egin behar dut hori aldatzeko. Ni ordura arte oso esanekoa izan nintzen. Kontzientzia hartze bat hasi nuen, eta neure buruari galdetu nion ea zenbat emakumeren memoria eta lan ez nituen aintzat hartu haietan aritzeko. Eta orduan betebehar moraltzat hartu nuen. Une horretan emakumeen egoeraz jabetzeko momentua izan zen. (...) Ez nuen kontzientzia feminista hori. Hori zen, esanekoa, ez zituen zalantzan jarri sistema eta diskurtso patriarkala. Nire iragana beste ikuspegi batetik berrirakurri nuen.[1]

Memoria, Revista de Estudios Biográficos aldizkariaren editorea izan zen 1996 eta 2007 artean, eta Wszechnica Polska (Varsovia), University of Virginia (Ameriketako Estatu Batuak) eta Pontificia Universidade do Rio Grande do Sul (PUCRS, Brasil) unibertsitateetako irakasle bisitaria. Bere ikerketa-ildoa idazketa autobiografikoa espainieraz aztertzea eta zabaltzea da. ABC Cultural gehigarriaren eta beste komunikabide batzuen ohiko kolaboratzailea da. 2017an Genero eta Kultura Klasiko eta Modernoen Elkarteko presidente lanetan hasi zen.[5]

2019an, 2019ko Espainiako Historiako Sari Nazionala jaso zuen, Concepción Arenal. La caminante y su sombra (Concepcion Arenal. Ibiltaria eta haren itzala) lanagatik. Epaimahaiak lan hau aukeratu zuen "historiako lan batean bikaintasun-baldintza guztiak betetzeagatik: berrikuntza historiografikoa eta metodologikoa, iturri aniztasuna eta Espainiako historian oraindik aski ezaguna ez den, baina garrantzitsua den pertsonaia bati buruzko azterketa biografikoaren planteamendu zientifiko eta zorrotza".[6][7]

2020an, Espainiako Liburutegi Nazionaleko Concepción Arenal. La pasión humanista (1820-1893) erakusketa komisariatu zuen, Cristina Peñamarin katedradunarekin batera. [8][9]

Lanak

[aldatu | aldatu iturburu kodea]

Besteak beste, La vida escrita por las mujeres bilduma editatu eta zuzendu du, 4 liburukitan: Por mi alma os digo. De la Edad Media a la Ilustración; La pluma como espada. Del Romanticismo al Modernismo (Luma ezpata gisa. Erromantizismotik Modernismora), Contando estrellas. Siglo XX (Izarrak kontatzen) (1) eta Lo mío es escribir. Siglo XX (Nirea idaztea da) (2) (Círculo de Lectores, 2003; Lumen, 2004). 2004an ere argitaratu zuen "Francisco Umbral. El frío de una vida" (Espasa), irakaslearen hitzetan, idazlearen ibilbide literarioa eraikitzen duen lana da, eta "Espainiako egungo panoraman talentu literario handienekotzat" aurkezten du.[10]

Argitalpenak

[aldatu | aldatu iturburu kodea]
  • Paulino Masipen bizitza eta lana (La vida y la obra de Paulino Masip) (Edicions del Mall, 1987)
  • La tía Tula y Amor y pedagogía de Miguel de Unamuno (Espasa, Austral bilduma, 1990 eta 1991)
  • Tintazko nartzisoak. Gaztelaniazko literatura autobiografikoari buruzko saiakera (1939-1975) (Narcisos de tinta. Ensayo sobre la literatura autobiográfica en lengua castellana (1939-1975) (Megazul, 1995)
  • Mi defensa y Recuerdos de provincia de Domingo Faustino Sarmiento (Círculo de Lectores, Opera Mundi bilduma, 1996)
  • Nire bizitza nirea da (Mi vida es mía), Joana Bonetekin elkarlanean (Plaza&Janés, 2000)
  • Francisco Umbral. Bizitza baten hotza (Francisco Umbral. El frío de una vida) (Espasa, 2004)
  • Bost elkarrizketa Carlos Castilla del Pinorekin (Cinco conversaciones con Carlos Castilla del Pino) (Penintsula, 2005)
  • Misoginiaren historia laburra (Breve historia de la misoginia) (2005) Lumen argitaletxea
  • El bolso de Ana Karenina (2008) Editorial Penintsula
  • Carmen Laforet. Emakume bat ihesean (Carmen Laforet. Una mujer en fuga) Israel Rolonekin lankidetzan (RBA, 2010)
  • Feminismoa Espainian (El feminismo en España) (2013) Editorial Cátedra[11]
  • Concepción Arenal: la caminante y su sombra (Taurus, 2018)

Azterketa Biografikoen Unitatea

[aldatu | aldatu iturburu kodea]

Ikerketa Biografikoen Unitatea 1994an sortu zen, eta Zientzia eta Berrikuntza Ministerioaren eta Kataluniako Generalitatearen laguntza du. Idazkera auto/biografikoaren erreskatean, zaintzan eta azterketan zentratzen du bere ikerketa.[2] Zentroak liburutegi espezializatua du, eta partikularrek emandako dohaintzek osatutako memoria-artxiboa, 1998 eta 2002 artean idatzitako autobiografien funts bat (BIODIGITHUM) eta Bartzelonako Unibertsitateko ikasleen autobiografiek osatutako funts bat (VITASTUDENS). 1996 eta 2007 artean, genero auto/biografikoen analisian oinarritutako aldizkari bat argitaratu zuen, Boletín de la Unidad de Estudios Biográficos, gero Memoria (bigarren etapan) deitua. Gero, EBUn gordetako testuei publizitatea emateko Vidas escritas (Bizitza idatziak) izeneko liburu-bilduma du.

Sariak eta aintzatespenak

[aldatu | aldatu iturburu kodea]
  • Doktoregoko Sari Berezia La literatura autobiográfica en España (1939-1975) tesiagatik
  • Gaziel 2009 Biografia eta Memorien Saria, Conde de Godó Fundazioak deitua
  • 2015eko Ikasketa Humanistikoen Manuel Alvar Saria, Espainiako egunkari pertsonalen idazketaren historiari buruzko saiakeragatik, Pasé la mañana escribiendo. Poéticas del diarismo español (Goiza idazten eman nuen. Espainiako diarismoaren poetikak) izenburupean.
  • 2019ko Espainiako Historiako Sari Nazionala, Concepción Arenal. La caminante y su sombra lanagatik.[12].
  • Jovellanos Nazioarteko Saiakera Saria, 2021.[13]

Erreferentziak

[aldatu | aldatu iturburu kodea]
  1. ↑ a b c Mantilla, Jesús Ruiz. (14 de junio de 2020). “La condición más radical del ser humano es la soledad”. ISSN 1134-6582..
  2. ↑ a b «Anna Caballé gana el Premio Manuel Alvar de Estudios Humanísticos 2015» www.ub.edu 8 de octubre de 2009.
  3. ↑ Coloma Fernández Armero convierte un diario en una novela intimista. 29 de febrero de 2000 ISSN 1134-6582..
  4. ↑ Ley, Pablo. (18 de febrero de 2000). Una historia de infidelidad gana el Premio Contradiction. ISSN 1134-6582..
  5. ↑ Ayuntamientos y teatros por la paridad en los escenarios. .
  6. ↑ «Anna Caballé, Premio Nacional de Historia por su obra sobre Concepción Arenal» La Vanguardia 5 de noviembre de 2019.
  7. ↑ El País (5 de noviembre de 2019). Anna Caballé gana el Premio Nacional de Historia. .
  8. ↑ España, Biblioteca Nacional de. (2020-12-15). «La BNE inaugura la exposición dedicada a la figura y pensamiento de Concepción Arenal» www.bne.es.
  9. ↑ «Concepción Arenal. La pasión humanista (1820-1893)» Turismo Madrid.
  10. ↑ Anna Caballé: «La mayor creación literaria de Francisco Umbral es él mismo» | Cultura | Libros - Abc.es. .
  11. ↑ Anna Caballé: de las feministas a la «biomujer». .
  12. ↑ Blanco, Leticia. (5 de noviembre de 2019). Anna Caballé, Premio Nacional de Historia: "Hay que recuperar las vidas de las mujeres que cayeron en el olvido". Barcelona.
  13. ↑ Letralia. (2021-03-24). «La española Anna Caballé gana el premio Jovellanos de ensayo» Letralia, Tierra de Letras.

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Anna_Caballé_Masforroll&oldid=9970014"(e)tik eskuratuta