Bakearen Usoa (Nestor Basterretxea)

Bakearen Usoa (Nestor Basterretxea)
	Irudi gehiago
Jatorria
Sortzailea(k)	Nestor Basterretxea
Sorrera-urtea	1980(e)ko hamarkada
Ezaugarriak
Materiala(k)	metala eta Poliesterra
Dimentsioak	700 () × 900 () × 100 () cm ;
Genero artistikoa	arte publikoa
Kokapena
Lekua	Zurriola
Herrialdea	Euskal Herria
Probintzia	Gipuzkoa
Udalerria	Donostia
Koordenatuak	43°19′44″N 1°58′18″W / 43.328895°N 1.971623°W

Artikulu hau eskulturari buruzkoa da; ikurra gaitzat duena beste hau da: «Bakearen usoa»

Bakearen Usoa burdinazko eskultura bat da, Nestor Basterretxeak 1980ko hamarkadan egina, Donostiako Udalak eskatuta.

Deskribapena

Neurria: 700x900x100 zm.

Materiala : burdina, poliester txuriz estalia.

Greko-erromatar tradizioa jarraitzen duen errepertorio zoomorfikoa. Aurretiko perspektiba duen eskultura da, egilearen beste obra batzuekin gertatzen den antzera.

Historia

80ko hamarkadaren amaieran agindu zion Donostiako Udalak Nestor Basterretxeari lan monumental hau, hiriak bakearekin, askatasunarekin eta bizikidetzarekin duen konpromisoaren ikur izan zedin. Udalak “Eskulturak kalean” izeneko kontu-sailetik erosi zuen.

Hain zuzen ere, bakearen sinbolo unibertsala erabilita gauzatu zuen ideia eskultore bizkaitarrak, eta profil irmoko uso erraldoi bat sortu zuen —zazpi metro garai da, eta bederatzi metroko hego luzera du—, poliester zuriz estalitako burdina erabilita.

1993ko urriaren 18z geroztik, Anoeta estadioaren pareko Aita Donostia plazan dago aurrez aurre begiratua izateko sortu zen eskultura.

2014ko abenduaren 10ean Amaratik Zurriolarako bidea hartu zuen.

Kokalekua

1988ko abenduaren 21ean estreinakoz Donostian pausatu zenean, Basterretxearen Bakearen Usoak oso bestelako kokalekua izan zuen, itsasertzean jarri baitzuten, Zurriola pasealekuan, eta hantxe inauguratu bakearen aldeko festa handi batekin. Orduko hartan, egungo Kursaal jauregia —Rafael Moneoren kubo famatuak— ametsetan ere ez zen existitzen, eta hainbat urtez bakar-bakarrik egin zion aurre itsasoari usoak, harik eta Zurriola pasealekuko urbanizazio lanek lekuz aldatzera behartu zuten arte.

Erreferentziak

AZURMENDI, NEREA. Bestelako begirada: eskulturak Donostian. Donostia, KTE, 2005

Kanpo estekak

Obrari buruzko erakusketa^{[Betiko hautsitako esteka]}, Donostiako Ernest Lluch kultura etxean.
Nestor Basterretxeari elkarrizketa

Datuak: Q16516448
Multimedia: Bakearen Usoa - Paloma de la Paz (Nestor Basterretxea) / Q16516448