Balio erantsi

Balio erantsia ondasun eta zerbitzuek ekoizpen-prozesuan hartzen duten balio ekonomiko edo gainbalioa da. Bestela esanda, ekoizpen-prozesu batek ekoizpenean erabili diren lehengaiei gehitzen dion balio ekonomikoa.

Adibideak

• Garraiolari batek gai batzuk A puntutik B puntura eramaten baditu eta gai horiek B puntuan balio handiagoa baldin badaukate A puntuan baino, garraiolariak balio erantsia gehitu die garraiatu dituen gai horiei.

• Mekanikari batek ez dabilen makina bat konpontzen badu, makina konponduak balio handiagoa izango du konpondu eta gero ez zebilenean baino. Mekanikariak balio erantsia gehitu dio ez zebilen makinari.

• Intelektual batek barreiaturik zegoen informazioa bildu eta sistematizatu egiten badu, eta informazioa eskuragarri jartzen badu, informazioari balio erantsia gehitu dio.

Ikus, gainera

• Balio Erantsiaren gaineko Zerga.
• Balio erantsi gordin.

Kanpo estekak

• Datuak: Q1434924
• Multimedia: Value Added / Q1434924

Artikulu hau ekonomiari buruzko zirriborroa da. Wikipedia lagun dezakezu edukia osatuz.