Ekialdeko Mendikatea (Kolonbia)

Ekialdeko mendilerroaren kokapena

Cordillera Oriental edo Ekialdeko mendilerroa Kolonbiako Andeetako hiru mendilerro paraleloetako bat da. Hegomendebalde-iparrekialde norabidean Kolonbiako mendigunetik (Huila departamendua) Guajira penintsularaino luzatzen da. Iparraldean, Nudo de Santurbánen, bi mendilerrotan banatzen da: Venezuelako Cordillera de Mérida eta Kolonbiako Perijá mendilerroa. 1.200 kmko luzera eta 130.000 km²-ko azalera du.

Mendilerroaren mendebaldea Magdalena ibaiaren arrokoa da. Ekialdeko isurialdea, berriz, Amazonas, Orinoko eta Catatumbo ibaien arroen artean banatzen da.

Erliebean Altiplano cundiboyacense goi-ordokia, Sumapaz (4.560 m), Chingaza (3.950 m) eta Pisba (3.900 m) paramoak eta Sierra Nevada del Cocuy nabarmentzen dira. Azken honetan dago mendilerro honetako gailurrik garaiena: Ritacuba Blanco (5.410 m).

Cauca, Caquetá, Huila, Tolima, Meta, Cundinamarca, Boyacá, Santander, Norte de Santander, Cesar eta La Guajira departamenduak zeharkatzen ditu. Hiri garrantzitsuenak Bogotá, Girardot, Cúcuta eta Bucaramanga dira.

Ikus, gainera

• Cordillera Occidental (Kolonbia)
• Cordillera Central (Kolonbia)