Ekialdeko Mendikatea (Kolonbia)

Wikipedia(e)tik
Hona jo: nabigazioa, Bilatu
Ekialdeko Mendikatearen kokapena

Ekialdeko Mendikatea[1] Kolonbiako Andeetako hiru mendikate paraleloetako bat da. Hegomendebalde-iparrekialde norabidean Kolonbiako mendigunetik (Huila departamendua) Guajira penintsularaino luzatzen da. Iparraldean, Nudo de Santurbánen, bi mendikatetan banatzen da: Meridako mendilerroa (Venezuela) eta Perijako mendilerroa, Kolonbia eta Venezuelaren arteko muga egiten duena. 1.200 kmko luzera eta 130.000 km²-ko azalera du.

Mendikatearen mendebaldea Magdalena ibaiaren arrokoa da. Ekialdeko isurialdea, berriz, Amazonas, Orinoko eta Catatumbo ibaien arroen artean banatzen da.

Erliebean Altiplano cundiboyacense goi-ordokia, Sumapaz (4.560 m), Chingaza (3.950 m) eta Pisba (3.900 m) paramoak eta Sierra Nevada del Cocuy nabarmentzen dira. Azken honetan dago mendikate honetako gailurrik garaiena: Ritacuba Blanco (5.410 m).

Cauca, Caquetá, Huila, Tolima, Meta, Cundinamarca, Boyacá, Santander, Norte de Santander, Cesar eta La Guajira departamenduak zeharkatzen ditu. Hiri garrantzitsuenak Bogotá, Girardot, Cúcuta eta Bucaramanga dira[2].

Erreferentziak[aldatu | aldatu iturburu kodea]

  1.   Euskaltzaindia (2012-05-25), 170. araua: Amerikako toponimia, http://www.euskaltzaindia.net/dok/arauak/Araua_0170.pdf .
  2. Todacolombia.com: Cordillera Oriental

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Ekialdeko Mendikatea (Kolonbia) Aldatu lotura Wikidatan