Kolonbiako mendigunea

Kolonbiako mendigunea
Datu orokorrak
Garaiera	4.646 m
Mota	mendikate
Azalera	32.682 km²
Geografia
Koordenatuak	1°45′N 76°30′W
Mendikatea	Andeak
Estatu burujabe	Kolonbia
Kolonbiaren banaketa administratiboa	Cauca

Kolonbiako mendigunea (gaztelaniaz: Macizo Colombiano), Nudo de Almaguer ere deitua, Kolonbiako Andeetako mendigune bat da, gehienbat Cauca, Huila eta Nariño departamenduetan hedatzen dena. 32.682 km²-ko azalera du eta 2.600 eta 4.700 m arteko garaiera. Hegoaldean Nudo de los Pastos mendigunea dauka eta iparraldean Erdialdeko eta Ekialdeko mendikateak bereizten dira.

Mendiguneak garrantzi handia dauka Kolonbiako hidrografian, bertan elkartzen baitira Magdalena, Cauca, Caquetá eta Patía ibaien arroak. 362 aintzira daude eta handienak -El Buey, San Rafael, Los Andes, San Patricio, Santiago, La Magdalena, Cusillaco eta Río Negro- oso garrantzitsuak dira uraren erregulazioan..

Hiru Natura Parke Nazional daude: Cueva de los Guácharos (90 km²), Nevado del Huila (1.580 km²) eta Puracé (830 km²). Azken hau 1979tik Biosfera Erreserba izendaturik dago.

Iruditegia

• 
  Cerro de Lerma, Cauca departamendua.
• 
  Las Reginas aintzira.
• 
  Puracé sumendia.

Kanpo estekak

• (Gaztelaniaz) Mongabay.com: Redescubriendo el Macizo Colombiano: Expedición al corazón de la biodiversidad Andina

• Datuak: Q3066648