Arezzo

Txantiloi:Italiako udalerri infotaula Arezzo Italia erdialdeko Toskana eskualdeko hiria da, izen bereko probintziaren hiriburua. Erromatik 215 kilometrora eta Florentziatik 75 kilometrora dago. 2011n 100.645 biztanle zituen.

Hiria Arno ibaiaren hurbileko muino batean dago.

Historia

K. a. IX. menderako etruriar kokalekua izan zen, eta geroago erromatar kolonia arrakastatsua bilakatu zen (Arretium). Erromatarren garaian gotorlekua eta metala zein zeramika ekoizteko gune garrantzitsua izan zen, eta soldadu talde iraunkorra zeukan.

Erromatar Inperioa desagertu eta gero krisialdi handia izan zuen eta, neurri batean, jendegabetu zen. 1000. urtetik aurrera, ordea, garrantzia hartu zuen, berriz ere, zentro kultural eta apezpikutegi gisa. Gibelinoa zenez gero, XIII. mendearen bigarren erdian Florentzia eta Toskanako beste hiri guelfoen aurka borrokatu zen. 1384an Florentziak menperatu zuen eta XVI. mendean independentzia lortu zuen. Geroago Florentziako Medicitarrek berriz mendean hartu zuten. Azkenean, 1860an Italiako parte izatera pasatu zen.

Bigarren Mundu Gerran nahiko hondatuta geratu zen.

Interes handiko lekuak

Santa Maria della Pieve eliza

Arezzoko leku interesgarrienetako batzuk Santa Maria della Pieve eliza erromanikoa, San Donato katedral gotikoa, San Frantzisko Basilika (barnean Piero della Francescaren Gurutzearen Kondaira margolana duena), Vasarik eraberritutako Plaza nagusia (Piazza Grande) eta Erdi Aroko beste monumentu batzuk dira.

Auzoak

Hauek dira Arezzoko auzoak: Agazzi, Antria, Bagnoro, Battifolle, Ceciliano, Chiani, Chiassa Superiore, Cincelli, Frassineto, Gaville, Giovi, Gragnone, Il Matto, Indicatore, La Pace, Le Poggiola, Meliciano, Molinelli, Molin Nuovo, Monte Sopra Rondine, Montione, Mugliano, Olmo, Ottavo, Palazzo del Pero, Patrignone, Pomaio, Ponte a Chiani, Ponte alla Chiassa, Pieve a Quarto, Ponte Buriano, Poti, Pratantico, Puglia, Policiano, Quarata, Rigutino, Ripa di Olmo, Rondine, Ruscello, San Firenze, San Giuliano, San Leo, San Polo, Santa Firmina, Santa Maria alla Rassinata, Sant'Andrea a Pigli, San Zeno, Sargiano, Staggiano, Stoppe d'Arca, Tregozzano, Venere, Vitiano.

Klima

Datu klimatikoak (Arezzo)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	17.4	22.0	24.4	27.0	30.4	35.2	40.3	39.2	34.4	30.0	22.6	18.0	'
Batez besteko tenperatura maximoa (°C)	9.1	10.7	14.0	16.8	22.3	26.1	30.0	30.2	25.4	19.4	13.1	9.5	18.9
Batez besteko tenperatura (ºC)	4.5	5.6	8.1	10.7	15.4	18.9	22.0	22.1	18.2	13.5	8.2	5.2	12.7
Batez besteko tenperatura minimoa (°C)	0.0	0.5	2.2	4.7	8.5	11.6	13.9	14.1	11.1	7.6	3.3	1.0	6.5
Erregistraturiko tenperatura minimoa (°C)	-20.2	-20.0	-8.7	-4.0	-0.5	3.6	4.8	5.8	0.5	-3.2	-8.0	-15.0	'
Pilatutako prezipitazioa (mm)	46.6	51.3	58.7	75.5	72.8	56.9	41.2	44.7	81.1	95.5	106.6	70.6	801.5
Prezipitazio egunak (≥ 1.0 mm)	6.9	6.8	6.9	9.4	9.0	6.9	3.8	4.8	6.6	8.3	9.0	7.6	86
Iturria: Servizio Meteorologico

Herritar ezagunak

• Guido d'Arezzo (990 - 1033) beneditar fraidea, notak izendatu zituen
• Francesco Petrarca (Arezzo 1304 - Arquà Petrarca 1374) poeta eta humanista
• Giorgio Vasari (Arezzo, 1511 - Florentzia, 1574) margolari, arkitekto eta idazlea

Kanpo loturak

Wikimedia Commonsen badira fitxategi gehiago, gai hau dutenak: Arezzo

• www.comune.arezzo.it