Parisko 4. barrutia

Txantiloi:Parisko barruti infotaula Parisko 4. barrutia (frantsesez 4^e arrondissement de Paris) Paris banatuta dagoen hogei barrutietako bat da. Sena ibaiaren eskuinaldean dago. Arrondissement de l'Hôtel-de-Ville izena ere badu, izen hau askorik erabiltzen ez den arren.

Mendebaldean, 1. barrutiarekin, iparraldearen 3.arekin, ekialdean 11.a eta 12.arekin, eta, hegoaldean, Sena ibaiarekin eta 5. barrutiarekin muga egiten du.

4. barrutian dago Parisko Udaletxea, pizkundetar estiloko eraikina. Vosges plaza pizkundetarra ere bertan dago, baita Pompidou Zentro modernoa, eta Le Marais barruti erdiarotarreko hegoaldeko gune animatua ere, gaur egun, Parisko auzo homosexuala izateagatik ezaguna (iparraldeko zatia, lasaiagoa dena, 3. barrutiko zati den bitartean). Île de la Citéren ekialdeko zatia (Parisko Notre-Dame katedrala barne) eta Île Saint-Louis ere, 4. barrutian dago.

Historia

Île de la Cité, K. a. I. mendetik populatua egon da, garai horretan, parisiarren tribu galiarrak okupatu zuelarik. Eskuineko ibarreko lehen finkapenak, Erdi Aroan egin ziren (V. mendean zehazki). XIX. mendearen amaieratik, Le Marais, judutar jende askok populatua egon da, Rue des Rosiers, bere elkartearen erdian dago, non kosher jatetxe ugari dagoen. 1990eko hamarkadatik, kultura homosexualak eragin handia izan du barruti honetan, Udaletxe inguruan taberna eta jatetxe asko irekiz.

Administrazioa

Barruti hau, lau auzotan banatua dago:

• Saint-Merri auzoa
• Saint-Gervais auzoa
• L'Arsenal auzoa
• Notre-Dame auzoa

Bere egungo alkatea, Dominique Bertinotti da, alderdi sozialistakoa. 2008an berriz aukeratua izan zen beste sei urterako.

Demografia

4. barrutiaren mapa xehatua

4. barrutiak biztanle gehien izan zituen urtea, 1861 baino lehenago izan zen, barrutia, gaur egungo moduan, soilik 1860ko Parisen berrantolaketaren ondoren existitu den arren. 2005ean, barruti honetako biztanleria 28.600 biztanlekoa zen 1,601 kilometro karratuko azalera batean, 17.864 biztanle kilometro karratuko dentsitatea ematen duelarik.

Urtea (errolda nazionala)	Biztanleria	Dentsitatea (bizt/km²)
1861 (gehiengo biztanleria)¹	108 520	67 783
1872	95 003	59 377
1954	70 944	41 638
1962	61 670	38 520
1968	54 029	33 747
1975	40 466	25 275
1982	33 990	21 230
1990	32 226	20 129
1999	30 675	19 160
2005	28 600	17 864

¹Barrutiko biztanleria, bere puntu gailnera, 1861 baino lehenago iritsi zen, baina urte hau baino lehenagoko datu fidagarririk ez dagoenez, gehiengo biztanleria hori, 1860ko Parisen berrantolakuntzaren ondorengo garaiarekiko kontuan hartzen da.

Interesguneak

Parisko Notre-Dame katedrala, 4. barrutian

• Museo eta instituzio kulturalak
  • Musée de l'Assistance Publique - Hôpitaux de Paris
  • Musée Boleslas Biegas
  • Musée Adam Mickiewicz
  • Frederic Chopin Aretoa
  • Musée de la Magie
  • Pompidou Zentrua
  • Musée national d'Art moderne
  • Bibliothèque de l'Arsenal
  • Mémorial de la Shoah

Parisko udaletxea

• Elizak
  • Parisko Notre-Dame katedrala
  • Saint-Gervais-Saint-Protais eliza
  • Saint-Louis-en-L'Île eliza
  • Saint-Paul-Saint-Louis eliza
  • Billetteseko klaustro eta eliza
  • Santiago dorrea

• Monumentu eta eraikin zibilak
  • Parisko Udaletxea
  • Uztaileko Zutabea
  • Hôtel-Dieu
  • Sully jauregia
  • Hôtel des archevêques de Sens
  • Hôtel d'Aumont
  • Parisko Polizia Prefektura
  • Tenplearen dorrea, antzinako gotorleku eta presondegia (gaur egun botata dagoena)

• Merkatalguneak
  • L'Hôtel de Villeko Bazarra

• Zubiak
  • Pont Louis-Philippe
  • Sully zubia
  • La Tournelle zubia
  • Pont au Change
  • Pont au Double
  • Saint-Michel zubia

Vosgeseko Plazaren osoko ikuspegia

Kale eta plaza nagusiak

• Bastilla plaza (11 eta 12. barrutiekin banatua), Uztaileko Zutabea barne.
• Place de l'Hôtel de Ville, antzinako Place de Grève
• Rue de Rivoli (Parisko 1. barrutiarekin banatua)
• Vosges plaza (Parisko 3. barrutiarekin banatua)
• Rue des Rosiers

Kanpo loturak

Wikimedia Commonsen badira fitxategi gehiago, gai hau dutenak: Parisko 4. barrutia

• Udalaren webgune ofiziala