Mikel Beroitz

Beroitz
Izen osoa:	Mikel Beroitz Perez
Jaiotza data:	1989ko ekainaren 4a (34 urte)
Jaioterria:	Uharte (Nafarroa Garaia)
Pilotaria
Modalitatea:	esku huskako pilota
Egungo enpresa:	pilota profesionaletik erretiratua
Postua:	atzelaria
Altuera:	1,79 m
Pisua:	83 kg
Debutatze data:	2008ko irailaren 14a
Debutatze pilotalekua:	Toki-Alai pilotalekua
Erretiratze data:	2018ko urtarrilaren 23a

Mikel Beroitz, pilota arloan Beroitz izenaz ezaguna, (Uharte, Nafarroa Garaia, 1989ko ekainaren 4a) esku huskako pilotari profesional ohia da. Atzelari jokatzen zuen, 2008tik 2011raino Aspe enpresarekin, eta 2011tik 2018ko urtarrileraino Asegarcerekin.

2008an Espainiako eta Europako txapeldun bilakatu ondoren, irailaren 14an herriko pilotalekuan profesional bihurtu zen. Hurrengo urtean, bigarren mailako buruz buruko txapelketa irabazi zuen. 2010ean, txapelketa berean, txapeldunorde izan zen. Eta 2011n, binakako txapelketa nagusiko txapeldunorde, Xala aurrelaria lagun, lesionatuta zegoen Barriola ordezkatuta.

2018an, Asegarce enpresak baztertuta zeukala ikusita, Beroitzek pilotari profesionala izateari uko egin zion.

Kirol lorpenak

Binakako txapelketa nagusiko finalak

Urtea	Txapeldunak	Txapeldunordeak	Emaitza	Pilotalekua
2011	Olaizola II.a-Begino	Xala-Beroitz	22-14	Bizkaia

Bigarren mailako buruz buruko txapelketako finalak

Urtea	Txapelduna	Txapeldunordea	Emaitza	Pilotalekua
2009	Beroitz	Argote	22-09	Beotibar
2010	Aritz Lasa	Beroitz	22-15	Beotibar

Kanpo loturak

• Pilotariaren fitxa, Asegarceren webgunean.

• Datuak: Q9033045