Bestibulu nukleo

Wikipedia, Entziklopedia askea
Jump to navigation Jump to search
Nukleo bestibularra
Gray691.png
Xehetasunak
Aparatua Sistema bestibularra
Arteria AICA, PICA
Identifikadoreak
Latinez nuclei vestibulares
TA A14.1.04.242
A14.1.05.425
FMA 72239
Terminologia anatomikoa

Nukleo bestibularrek zubiaren zati laterala eta erraboilaren zati bat hartzen dute. Gainera, IV bentrikuluaren zoruan, locus coeruleus nukleo noradrenergikoaren azpian hain zuzen, bere goragunea utziko du.

Laranjaz agertzen diren nukleoak dira.

Nukleo hauek informazioa sistema bestibularretik hartuko dute, hau da, sakulu, utrikulu eta hodi erdizirkularretatik. Beraz, zentzumenekin erlazionatuta daudenez (orekarekin batik bat), hartzaile somatiko bereziak direla esan daiteke. Sistema bestibularretik hartutako informazioa VIII. gara nerbioaren bidez (nerbio bestibulu koklearraren bidez) garraiatua izango da, nukleo hauetara heltzeko.

Bestibulu nukleoen egitura isolatua ikus daiteke hemen, entzefalo enborra kenduta.

Azpinukleoak[aldatu | aldatu iturburu kodea]

Nukleo hau, 4 azpinukleoz osatuta dago:

Erdialdeko nukleo bestibularra[aldatu | aldatu iturburu kodea]

Anpulu, sakulu eta utrikulutik hartzen du informazioa. Erdialdeko bestibulu nukleo honen berezitasuna, Luzetarako erdialdeko faszikuluan parte hartzen duela da. Honen bidez, beste nukleo batzuekin batera, buru eta begien mugimenduetan eragin, eta hauen koordinazioan lagunduko du.

Alboko nukleo bestibularra[aldatu | aldatu iturburu kodea]

Utrikulu eta sakuluko informazioa hartzen du.

Beheko nukleo bestibularra[aldatu | aldatu iturburu kodea]

Sakulu eta utrikuluetako informazioa hartzen du.

Goiko nukleo bestibularra[aldatu | aldatu iturburu kodea]

Anpuluetako informazioa hartzen du.

Traktuak[aldatu | aldatu iturburu kodea]

Bestibulu bizkarmuin traktua[aldatu | aldatu iturburu kodea]

Sistema bestibularrak entzefaloan dauden nukleo bestibularrei informazioa igorriko die eta nukleo hauek orekaren informazioa bidaliko dio bizkarmuinari, azken hau gorputzaren posizioaz informatuta egon behar delako.

Bizkarmuinera bi nukleo bestibularrek bidaltzen dute informazioa: albokoa eta erdialdekoa. Bi hauek aurreko funikulutik joango dira, albokoa erdikoa baino alboalderago joanik. Beraz, somatotopia daukatela esan daiteke

Albokoa: bizkarmuin segmentu ia guztietan agertzen da. Bertatik sortzen diren zuntzak bizkarmuin osoan zehar azaltzen dira. Erdialdekoa: idun eremuan bakarrik azaltzen da.

Bi hauek bizkarmuinera heldu eta bertako gai grisean sinaptatzen dute, VI, VII eta VIII laminetan dauden interneuronetan batik bat. Interneurona hauek IX laminako motoneuronetan izango dute eragina.

Funtzioari dagokionez, Rexeden IX laminako motoneurona hauek, antigrabitatorioak dira eta beraz gihar hedatzaileen kitzikapena eragiten dute batez ere. Jarreraren kontrolean eta orekan eragingo dute. Aurretiaz aipatu bezala, gainera, erdiko bestibulu nukleoek erdialdeko luzetarako faszikuluan parte hartzen dute beste nukleo batzuekin batera, buruak eta begiek egiten dituzten mugimenduetan eragiteko hauek modu koordinatu batean burutu daitezen.

Bestibulu garuntxo traktua[aldatu | aldatu iturburu kodea]

Bestibulu nukleoetara heltzen den informazioa, garuntxora bideratuko da ere traktu honen bidez. Informazio hau, beheko garuntxo pedunkulutik sartu eta garuntxo kortexean izango du eragina, flokulu nodulu lobuluan batez ere.

Gainera, garuntxo kortexetik ere (flokulu nodulu lobulutik hain zuzen), eferentziak, purkinje zelulen axoien bidez garuntxoaren sakoneko nukleoetara (bestibulu garuntxo eremuarekin erlazionatuta dagoen sakoneko nukleoa, Fastigi nukleoa izanik) abiatuko da. Bertan sinaptatu ondoren, goiko garuntxo pedunkuluen bidez aterako da bertara heldu den orekari buruzko informazioa.

Bestibulu nukleoekin erlazionatutak gaixotasunak[aldatu | aldatu iturburu kodea]

Orokorrean, garuntxoan arazoak daudenean, ataxia izeneko gaixotasunak sortuko dira, mugimenduaren koordinazio eza esaterako. Hala ere, endekatzen den garuntxoaren zonaldearen arabera, ataxia mota desberdinak agertuko dira. Bestibulu nukleotik datorren informazioa kaltetzen denean, enbor eta buru ataxia ematen da, pertsona hauek, beraien sostengu eremua ireki kulunka ibiltzen dira, alde batetik bestera.

Bibliografia[aldatu | aldatu iturburu kodea]

https://www.ehu.eus/eu/web/anatorama/home